MARKA 6:34 - Lai (Hakha) Common Language Bible 2006

³⁴ Jesuh cu lawng chung khan a hung chuak i mi cu vialte a hmuh hna tikah khan a zaang an fak ngaingai, zeicahtiah khaltu a ngei lomi tuu bantuk an si. Cucaah thil tampi a cawnpiak hna.

Laibaibal Thiang (BSI)

³⁴ Jesuh cu tilawng in a hung chuak i mibu cu tluk tam cu a hmuh hna tikah, khâltu a ngei lomi tuu bantuk an si caah a zângfah ngaingai hna i bia tampi a cawnpiak hna.

MARKA 6:34 ပူးပေါင်းရင်းမြစ်များ

1 SIANGPAHRANG 22:17

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

2 CHANRELNAK 18:16

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

ISAIAH 13:14

“Babilon ram chung i ramdangmi a ummi hna kha, anmahle an ram cio ah an kir lai, sakhi cu ramvai hna sinin a zam bantukin annih zong cu an zam lai, khaltu ngei lo tuu an i ṭhek bantukin an i ṭhek lai.

JEREMIAH 50:6

Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang.

EZEKIEL 34:5

Cucaah annih cu an i ṭhek dih, khaltu an ngei lo, ram sa seh awk men ah an cang.

ZEKHARIAH 10:2

Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in.

NAMBAR 27:17

an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.

MATTHAI 14:14

Jesuh cu lawng chung khan a hung chuak i mizapi kha a hmuh hna tikah a zaang an fak ngaingai. Cucaah cun an mizaw hna kha a damter hna.

MATTHAI 15:32

Jesuh nih a zultu kha a auh hna i, “Hi mi hna hi kan sinah ni thum an um cang i atu cu rawl ei awk an ngei ti lo i ka zaang an fak ngaingai. Rawl loin annih tlunter cu ka duh lo, lampi ah an va buhri sual lai,” tiah a ti.

MATTHAI 9:36

Mi zapi kha a hmuh hna tikah, khaltu a ngei lomi tuu bantukin lungrethei le awlokchong in an um kha a hmuh hna caah a zaang an fak ngaingai.

MARKA 6:33

Sihmanhsehlaw mi tampi nih an kal kha an hmuh ṭhiamṭhiam hna i hmakhatte ah ahodah an si kha an hngalh fawn caah a khua kip khan an chuak i tlang lam khan an rak kalkanh hna i Jesuh le a zultu hna an phak hlanah khan a hmun kha an rak phan.

MARKA 6:35

Khua a hung tlai zualmal tikah a zultu hna cu a sinah khan an ra i, “Atu hi a tlai ngaingai cang i hi hmun hi mi um lonak hmun a si.

MARKA 8:1

Cu hnu tlawmpal ah cun mi tampi an i pum ṭhan i ei awk zeihmanh an ngeih ti lo tikah Jesuh nih a zultu kha a kawh hna i,

MARKA 8:2

“Hi hna hi ka sinah ni thum an um cang i atu cu ei awk zeihmanh an ngei ti lo, ka zaang an fak ko.

LUKA 9:11

Cu thawng cu mizapi nih khan an theih tikah an zulh. A rak lawmh hna i Pathian Pennak kong kha a rak chimh hna i damnak a herhmi kha a damter hna.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.