MARKA 6:14 - Lai (Hakha) Common Language Bible 2006

¹⁴ Jesuh thawngpang cu khuazakip ah a than caah Siangpahrang Herod zong nih cu kong cu a rak theih ve. Mi a cheu nih an i thawh i, “Tipil petu Johan kha a nung ṭhan. Cucaah cun pei hi ṭhawnnak a ngeih hi a si cu,” an ti.

Laibaibal Thiang (BSI)

¹⁴ Cubangin Jesuh min cu a thang chinchin i Herod siangpahrang zong nih a rak theih. “Baptisma petu Johan kha thihnâk in a tho ṭhân a si cu ta, cucaah cubantuk ṭhawnnâk nih amah ah rian a ṭuannâk cu a si,” tiah a ti.

MARKA 6:14 ပူးပေါင်းရင်းမြစ်များ

2 CHANRELNAK 26:15

Cun thal le lung ngan pipi a kap khotu seh zungthiam pawl nih an sermi hna kha, Jerusalem ah cun innsang le a kil ah khan a chiah hna. Cun amah cu a ṭhawn tiang khuaruahhar in bawmh a si caah a min cu khuazakip ah a thang.

2 CHANRELNAK 26:8

Ammon mi hna nih Uzziah cu ngunkhuai an pek i amah cu a ṭhawn ngaingai caah Izipt ramri tiang hmanh in a min a thang.

MATTHAI 9:31

Sihmanhsehlaw an kal i Jesuh kong cu cuka hrawngah cun an thanh dih.

MARKA 1:28

Cucaah Jesuh thawngpang cu Galilee ram hmun kip ah khan a thang.

MARKA 1:45

Sihmanhsehlaw mipa nih cun a kalnak paoh ah khan cu kong cu a chimh hna i tam tuk in a chim caah Jesuh cu khua chungah khan langhngan in a lut kho ti lo. Hmunking tu ah khan a um i cuka ah cun a kenkip khan mi nih an rak fuh.

MARKA 8:28

Annih nih, “A cheu nih, Tipil petu Johan a si, an in ti. A cheu nih Elijah a si, an in ti. A cheu nolh nih, profet pakhatkhat a si, an in ti,” tiah an leh.

LUKA 13:31

Cu lioah cun Farasi mi tlawmpal kha Jesuh sinah khan an ra i, “Herod nih thah an duh caah hika hin na chuah a hau,” tiah an chimh.

LUKA 3:1

Siangpahrang Tiberius kha a bawi kum, kum hleinganak kum a si, Pontius Pilat kha Judah ram mangki a si, Herod kha Galilee uktu a si i a nau Filip cu Iturea le Trakhonitis peng uktu a si; Lisanias cu Abilen uktu a si i

LUKA 7:17

Jesuh thawngpang cu Judea ram vialte le a pawngkam ram ah khan a thang dih.

LUKA 9:19

“A cheu nih Tipilpetu Johan a si, an in ti. Cun a dang nih, Elijah a si, an in ti. Cun a dang nih hlanlio i a rak ummi profet pakhatkhat kha a nung ṭhan, an in ti,” tiah an ti.

1THESALON 1:8

Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

HEBRU 2:4

Cu pinah annih nih tehte an khaanmi kha ahmaan tinak ah Pathian nih hmelchunhnak le khuaruahharnak le a ṭhawnnak in tuahmi thil phunphun kha a tuah i Thiang Thlarau laksawng kha a duhning in a phawt hna.