MARKA 5:41 - Lai (Hakha) Common Language Bible 2006

⁴¹ A kut in a vun tlaih i, “Talitha koum,” tiah a ti; cu a sullam cu, “Ngakchianute, tho, kan ti,” tinak a si.

Laibaibal Thiang (BSI)

⁴¹ Cuticun ngakchia kut kha a tlaih i, “Talitha kumi!” tiah a ti. Cucu, “Nute, tho tuah kan ti,” tinâk a si.

MARKA 5:41 ပူးပေါင်းရင်းမြစ်များ

GENESIS 1:3

Cun Pathian nih, “Ceunak um seh,” tiah a ti i ceunak cu a hung um.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

MARKA 1:31

Amah sinah cun a va kal i a kut in a va thawh. A tak linh cu a dai i annih kha a bultawl hna.

MARKA 1:41

Jesuh nih cun a zaang a fak ngaingai i a hei banh i a hei tongh. “Nangmah thianter kha ka duh, va thiang cang,” tiah a ti.

MARKA 5:40

Annih nih cun a nih in an nih i cucaah an dihlak in a chuahter hna i ngakchianu a nu le a pa le a zultu pathum hna kha aa kalpi hna i ngakchianu an suannak khaan chungah cun an va lut.

MARKA 5:42

Hmakhatte ah a tho i aa chawk colh. (Amah cu kum hleihnih mi a si). Cu thil an hmuh tikah an khuaruah a har tuk i a molh dengmang hna.

ROM 4:17

Zeicahtiah Cathiang nih, “ ‘Nangmah cu miphun tampi hna pa ah kan ser cang,’ a ti,” tiah a ti bantuk khan, Abraham cu kan dihlak pa a si. Cucaah hi biakamnak cu Pathian hmaiah khan a fek i cu Pathian cu a zumhmi Pathian cu a si; mithi kha a nunter i a um lomi thil a bia in a umtertu kha a si.

FILIPI 3:21

A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak ṭhawnnak kha a hman lai.