MARKA 5:36 - Lai (Hakha) Common Language Bible 2006

³⁶ Jesuh nih an chimmi cu zeihmanh ah rel duh loin a um i, “Na thinphang hlah, a zumh bel zum ko,” tiah a ti.

Laibaibal Thiang (BSI)

³⁶ Jesuh nih an chimmi kha a rak theih tikah, sinagog uktu sinah, “Na thin phang hlah, zum ko,” tiah a ti.

MARKA 5:36 ပူးပေါင်းရင်းမြစ်များ

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MATTHAI 9:18

Cu bia cu Jesuh nih a chimh lio hna ah khan, Judah mi lak i bawi pakhat a simi kha a sinah a ra i a hmaiah a khuk aa bil i, “Tunaite ah khan ka fanu a thi, sihmanhsehlaw ra law a cungah na kut ra chia law a nung ko lai,” tiah a ti.

MARKA 5:22

Pumhnak inn uktu a simipa pakhat a min Jairu a simi kha a hung i Jesuh kha a hmuh tikah a ke hramah a bawk i a si khawh chungin a nawl:

MARKA 5:34

Jesuh nih cun, “Ka fanu, na zumhnak nih an damter cang. Dai tein va kal law na zawtnak cun va dam ko cang,” tiah a ti.

MARKA 9:23

Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti.

LUKA 8:50

Cu bia cu Jesuh nih a theih i Jairu cu a thawh i, “Na thinphang hlah, zum ko law a dam ko lai,” tiah a ti.

JOHAN 11:40

Jesuh nih Martha cu, “Na zumh ahcun Pathian sunparnak na hmuh lai, tiah ka rak in ti lo maw?” tiah a ti.