MARKA 5:13 - Lai (Hakha) Common Language Bible 2006

¹³ Cucaah a kalter hna. Thlarau ṭhalo cu mipa chung khan an chuak i vok chungah khan an lut. Vok cu an dihlak in lungpang cung khan rili chungah an zuang ciammam i an thi dih, thong hnih tluk an si.

Laibaibal Thiang (BSI)

¹³ Jesuh nih nawl a pêk hna. Cuticun thlarau thur kha an chuak i vawk chungah an lut, (thonghnih hrawng an si); cuticun vawkrual hna cu lungpangah an zuang i tili chungah lut in an thi dih.

MARKA 5:13 ပူးပေါင်းရင်းမြစ်များ

1 SIANGPAHRANG 22:22

Cun Bawipa nih, ‘Zei in dah na lem lai?’ tiah a ti. Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na lem khawh taktak lai; va kal law cu bangin va tuah,’ tiah a ti.

JOB 1:12

Cun Bawipa nih Satan cu a thawh i, “Zohhmanh, a ngeihmi vialte cu nangmah kut chungah an um; amah taktak belte na kut cun tawng hlah,” tiah a ti. Cucaah Satan cu Bawipa hmaika cun a chuak.

JOB 2:6

Cun Bawipa nih Satan cu a thawh i, “Zohhmanh, amah cu na kut chungah a um, a nunnak bel zuah ko,” tiah a ti.

MATTHAI 7:6

“A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

MATTHAI 8:32

Jesuh nih cun, “Va kal u,” tiah a ti hna i cucaah an chuak i vok chungah cun an lut. Vok cu an run ningpi in lungpang cun an zuang ciammam i rili chungah cun an tla i an thi dih.

MARKA 5:12

Thlarau nih cun Jesuh cu, “Vok sinah khin kan kalter law an chungah khin kan luhter tuah,” tiah an nawl.

MARKA 5:14

Vok a cawngtu hna cu an zam i cu thawng cu khua chungah le lo lakah khan an thanh hna. Cu ti thil a ummi zoh awkah cun mi kha an va kal.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

BIAPHUAN 20:7

Kum thong khat kha a dih tikah Satan cu thong chung khan chuah a si lai i

BIAPHUAN 9:11

An uktu ah siangpahrang pakhat an ngei i dongh hngal lo khor a uktu vancungmi kha a si. A min cu Hebru holh in Abaddon ti a si; Grik holh cun Apollyon ti a si i a sullam cu “Hrawktu” tinak a si.