MARKA 4:28 - Lai (Hakha) Common Language Bible 2006

²⁸ Vawlei nih khan thlai kheu cu a ṭhanter hna i thei a tlaiter hna, a hmasa bik ah a hnah zimno tete kha an hung chuak, cun an hung vui i an hung zaa.

Laibaibal Thiang (BSI)

²⁸ Zeitintiah lei nih amah tein theitlai a chuah tawn, a hmaisa ah a hnah, a changtu ah a vui, cuhnuah a vui ah athei a rak um tawn.

MARKA 4:28 ပူးပေါင်းရင်းမြစ်များ

GENESIS 2:9

Vawlei chung cun aa dawhmi thingkung le rawl ca i a ṭhami kung a phunphun kha a khohter hna, dum laifang ah cun nunnak thingkung, chia le ṭha hngalh khawhnak thingkung zong a khohter.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

PHUNGCHIMTU 3:1

Zeizong vialte caah hin caan a um cio i vanrang tang i a ummi thil vialte nih hin caan an ngei dih:

PHUNGCHIMTU 3:11

Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo.

ISAIAH 61:11

Thlaici cu an keuh i an ṭhan bantukin, Bawipa Pathian nih a mi cu a khamh hrimhrim hna lai. Cun miphun vialte nih amah cu an thangṭhat lai.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

MATTHAI 13:26

Rawl kung cu an hung ṭhang i rawl cu an hung vuih tikah belh zong cu an hung lang.

MARKA 4:27

Zan ah a it, zing ah a tho i rian a ṭuan i cu chung vialte ah khan thlaici cu an rak keuh i an rak ṭhang, sihmanhsehlaw zeitindah cuticun an si ti kha cu a hngal lo.

MARKA 4:29

Cun an hung hmin tikah ṭuan caan a cut cang caah a ṭuantupa nih a facang hlehnak fa-ah in a hleh hna,” tiah a ti.

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.