MARKA 4:17 - Lai (Hakha) Common Language Bible 2006

¹⁷ Asinain an chungah khan thuk a pil lo i cucaah sau an rau lo. Cu bia ruang i hremnak siseh, harnak siseh, an hung um tikah an i ngol zau.

Laibaibal Thiang (BSI)

¹⁷ asinain anmah ah hram a ngei lo i cân tawite chung lawng a nguh. A rauh hlanah, bia ruang i harnâk siseh, serhsatnâk siseh a um tikah an tlu ṭhân tawn.

MARKA 4:17 ပူးပေါင်းရင်းမြစ်များ

JOB 19:28

“Nannih nih nan i thawh i, Harnak a rualrual in a cungah aa tlunter khih! Hi harnak an hram cu amah chungah khin pei a um cu,’ nan ti tikah hin ka lung a dong.

MATTHAI 11:6

Keimah kong ah lung awṭawmnak zeihmanh a ngei lomi cu a caah lunglawmh awk a va si dah,” tiah a leh hna.

MATTHAI 12:31

Cucaah hihi kan chimh hna: minung hi sualnak zeipaoh an tuahmi le thil ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

MATTHAI 13:21

Sihmanhsehlaw an chungah hram a thlak lo caah saupi an rau lo. Cu kong i harnak le hremnak an hun ton tikah an i ngol zau.

MARKA 4:16

A dang cu lung tamnak i a tlami bantuk an si. Bia cu an theih cangka lunglawm in an cohlan.

MARKA 4:18

Cun a dang cu hlingbur i a tlami thlaici bantuk a si. Hi hna hi Pathian bia kha a theih cu a thei i

LUKA 12:10

Mi Fapa a thangchiattu cu ahohmanh ngaihthiam an si lai, sihmanh-sehlaw Thiang Thlarau a thangchiattu cu ngaihthiam an si lai lo.

JOHAN 8:31

Cucaah Jesuh nih amah a zummi Judah mi hna kha, “Ka cawnpiaknak kha nan zulh ahcun a ka zultu taktak cu nan si;

GALATI 6:12

Lenglei thil aa porhlawmi le aa uangthlarmi hna hi nanmah cuarpar tan hnek aan duhmi hna kha an si. Cu an duh cu Khrih vailamtahnak kongah hremnak an innak hnga lo ca men ah a si.

2TIMOTE 1:15

Asia ram chung i a ummi nih an dihlak in an ka zamtak ti kha na hngalh, cu hna lakah cun Figelas le Hermogenes zong an i tel.

2TIMOTE 4:10

Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal.

2TIMOTE 4:16

Biaceihnak i ka chuah hmasa bik ah cun ahohmanh nih an ka dirpi lo; an dihlak in an ka zamtak. Pathian nih sual ah relpiak sawh hna hlah seh.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.