MARKA 3:24 - Lai (Hakha) Common Language Bible 2006

²⁴ Ram pakhatkhat cu a bubu in aa ṭhen i anmah le anmah kha an i doh ahcun, zeitindah cu ram cu a dir khawh lai?

Laibaibal Thiang (BSI)

²⁴ Bawi pennâk zong amah le amah â doh ahcun zeitindah a pennâk a hmunh khawh lai?

MARKA 3:24 ပူးပေါင်းရင်းမြစ်များ

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

2 SAMUEL 20:6

Cun David nih Abishai kha a thawh i, “Bikhri fapa Sheba nih hin Absalom nakkhan harnak tam deuh a kan pek lai; na bawipa ka sinum hna hi i kalpi hna law va dawi, cu ti a si lo ahcun, kulhmi khua hawi hna ah a lut lai i harnak a kan pek sual lai,” tiah a ti.

EZEKIEL 37:22

Ram chungah le Israel tlang hna cungah miphun pakhat ah ka ser hna lai i an dihlak in siangpahrang pakhat nih a uk hna lai i pennak pahnih ah an i cheu hrimhrim ti lai lo.

ZEKHARIAH 11:14

Khi tikah ka fung a pahnihnak Fonhnak timi kha tan hnih ah ka tan i Judah le Israel karlak i unau sinak a ummi kha ka hrawh.

MATTHAI 12:25

An lung chung i a ummi ruahnak cu Jesuh nih a hngalh caah annih cu, “Ram pakhat cu a chungah anmah le anmah aa domi bu an um ahcun cu ram cu saupi a hmun kho lai lo. Cun khua pakhatkhat zong a chungah anmah le anmah aa domi bu an um ahcun, a dir kho lai lo.

MARKA 3:23

Cucaah Jesuh nih mi kha, ka sinah ra u, tiah a ti hna i tahchunhnak bia a chimh hna. A thawh hna i, “Zeitindah Satan nih Satan cu a ṭhawl khawh lai?

MARKA 3:25

Innchungkhar khar khat cu a bubu in an i ṭhen i an i doh ahcun a dir kho lai lo.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.