MARKA 2:27 - Lai (Hakha) Common Language Bible 2006

²⁷ Cun Jesuh nih cun, “Sabbath cu minung caah pei ser a si cu, minung cu sabbath caah ser an si ṭung lo,

Laibaibal Thiang (BSI)

²⁷ Anih nih, “Sabbath hi minung caah ser a si i minung hi Sabbath caah ser a si lo.

MARKA 2:27 ပူးပေါင်းရင်းမြစ်များ

EXODUS 23:12

“Ni ruk chung rian nan ṭuan lai, sihmanhsehlaw ni sarihnak ni ah cun nan ṭuan lai lo, nan cawtum hna le nan laa hna cu i din hna seh, cun nan sal hna le ramdang mi hna zong nih hrimhnak ah hmang hna seh.

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

EZEKIEL 20:12

Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna.

EZEKIEL 20:20

ka phunglam kha nan tuah hrimhrim hna lai. Ka sabbath kha thiang tein nan ulh hna lai i nannih le keimah karlak i hmelchunhnak an si lai; cuticun keimah cu Bawipa nan Pathian ka si kha nan hngalh lai, ka ti hna.

MARKA 2:28

cucaah Mi Fapa cu sabbath Bawi zong a si,” tiah a ti.

LUKA 6:9

Cun Jesuh nih annih cu a thawh hna i. “Bia kan hal hna: kan Phung nih sabbath ni ah zei tuah dah a kan onh? Ṭhatnak tuah maw ṭhat lonak tuah dah? Mi nunnak khamh maw mi nunnak hrawh dah?” tiah a ti.

JOHAN 7:23

Cucaah Moses Nawl buar lonak ding caah Sabbath ni hmanh ah nan fale cu an cuarpar nan tan hna ahcun, zeicahdah kei nih Sabbath ni ah mi kha tlamtling tein ka damter caah ka cungah nan thin a hun?

2 KORIN 4:15

Hi vialte hi nanmah caah a si dih; Pathian vel nih mi tam chin lengmang a phak hna bantukin mi tam chin lengmang nih Pathian sunparnak cu an lawmh lai i an thangṭhat lai.

DEUTERONOMI 5:12

“ ‘Bawipa na Pathian nih nawl an pek bangin sabbath ni cu thianter awkah va ul ko.

DEUTERONOMI 5:14

sihmanhsehlaw ni sarih ni cu Bawipa na Pathian caah sabbath a si; cu ni ah cun nangmah nih siseh, na fapa nih siseh, na fanu nih siseh, na salpa nih siseh, na salnu nih siseh, na cawtum nih siseh, na laa nih siseh, na saṭil zeipaoh nih siseh, na kutka chung i a ummi khual nih siseh, rian zeihmanh nan ṭuan lai lo, zeitintiah na salpa le na salnu hna zong nangmah bangin an i din ve lai.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.