MARKA 15:32 - Lai (Hakha) Common Language Bible 2006

³² Israel mi siangpahrang Messiah cu, atu hrimhrim ah hin vailam tahnak cung hin rung ṭum seh law pei kan hmuh hnga i kan zumh khawh hnga cu!” an ti. Cun a sin i vailam an tahmi pahnih hna zong nih khan an nihsawh ve.

Laibaibal Thiang (BSI)

³² Krih, Israel Siangpahrang cu, atu ah vailam cungin rung ṭum sehlaw, kan hmuh lai i kan zumh lai,” tiah an ti. Amah he an khenhchihmi hna zong nih an nihsawh ve.

MARKA 15:32 ပူးပေါင်းရင်းမြစ်များ

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ZEFANIAH 3:15

Bawipa nih nangmah an dohtu hna kha an ṭhawlpiak cang i Na ral kha a dawi cang hna; Bawipa Israel siangpahrang cu nan lakah a um i Rawhralnak kha na ṭih awk zeihmanh a um ti lo.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 1:17

Cucaah Abraham in David tiangah chan hleili, David in Babilon i sal i an tan tiangah chan hleili, sal i an tan in Messiah chuah tiangah chan hleili a si.

MATTHAI 27:42

“Midang cu a khamh ṭung hna, amah vial aa khamh kho ṭung lo. Israel Siangpahrang cu a si kun lo maw? Vailam tahnak cung khan atu te ah hin rung ṭum seh law pei kan zumh hnga cu.

MATTHAI 27:44

A sin i mifir an tah vemi hna hmanh nih khan cu bantuk cun an nihsawh ve.

MARKA 15:26

Sual an phawtnak ca cu, “Judah mi hna Siangpahrang,” tiah an ṭial.

MARKA 15:27

Jesuh sinah cun a orhlei kamah pakhat, a kehlei kamah pakhat, mifir pahnih an tah ve hna.

JOHAN 1:49

Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

JOHAN 12:13

Cucaah kuhchuk hnah kha an i put i amah don awkah khan an kal i, “Pathian cu thangṭhat ko u! Bawipa min in a rami cu Pathian nih thluachuah pe ko seh. Pathian nih Israel Siangpahrang cu thluachuah pe ko seh,” tiah an au.

ROM 3:3

Asinain a cheu kha zumh awk tlak lo an rak si si kaw, zeitindah a si kun lai? Cu ruangah cun Pathian zong cu zumh awk tlak lo a si ve lai tinak a si maw?

2TIMOTE 2:18

Biatak lam khan an pial i, “Thawhṭhannak cu atu ah hin a si diam cang,” tiin Khrihfa mi a cheu kha an lung an tuai hna.