MARKA 15:24 - Lai (Hakha) Common Language Bible 2006

²⁴ Cuticun vailam ah cun an khenh chih i a puan kha an i phaw i aho nih dah a zei zawn hi a co lai tinak caah, camcawh fung in an zuh.

Laibaibal Thiang (BSI)

²⁴ Cun an khenhchih i a hnipuan kha camcawh fung zuh in an i phaw.

MARKA 15:24 ပူးပေါင်းရင်းမြစ်များ

LUKA 23:34

Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,” tiah a ti. Camcawhfung zuh in a hnipuan kha an i phaw.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

LAMKALTU 5:30

Nannih nih Jesuh cu vailamtahnak i nan thah hnuah kan pupa hna Pathian nih thihnak in a thawhter ṭhan.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.