MARKA 14:7 - Lai (Hakha) Common Language Bible 2006

⁷ Sifak cu nan sinah pei an um zungzal ko lai cu, bawmh nan duh tik hna paoh ah nan bawmh khawh ko ṭung hna. Kei cu nan sinah ka um zungzal ṭung lai lo.

Laibaibal Thiang (BSI)

⁷ Zeitintiah mi sifak cu nan sinah an um peng ko lai, nan duh cân pauh ah nan bomh khawh ko hna, kei tu cu nan sinah ka um peng lai lo.

MARKA 14:7 ပူးပေါင်းရင်းမြစ်များ

MATTHAI 26:11

Misifak cu zungzal in pei nan sinah an um ko lai cu, kei cu zungzal in nan sinah ka um ṭung lai lo.

MARKA 14:6

Sihmanhsehlaw Jesuh nih a thawh hna i, “Ngol ko u! Amah nan ti lengmangnak zei um hlah. Ka ca i a tuahmi hi aa dawhmi le a ṭhami thil a si ko.

JOHAN 13:33

Ka fale hna, nan sinah sau ka um ti lai lo. Nan ka kawl lai, sihmanhsehlaw ‘Ka kalnak ah cun nan ra kho lai lo,’ tiah Judah mi ka chimh hna bang khan nannih zong kan chimh hna.

JOHAN 16:28

Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

JOHAN 16:5

Sihmanhsehlaw atu cu a ka thlahtu sinah khan ka kal cang lai; asinain aho zong nih, ‘Khuazei ah dah na kal lai? tiah nan ka hal lo.

JOHAN 17:11

Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min ṭhawnnak in huppheng ko hna.

LAMKALTU 3:21

Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

DEUTERONOMI 15:11

Zeitintiah sifakmi hna cu nan ram chungah an dong bal lai lo; cu caah hi nawlbia cu kan pek hna, ram chung i a ummi nan unau, sifak le retheimi hna cu nan kut kaupi in nan samhpiak hna lai.

FILEMON 1:7

Ka dawtmi ka nau, dawtnak na ngeihmi nih ka lung a ka lawmhter ngaingai i lungṭhawnnak tampi a ka pek. Pathian mi vialte cu an lung na lawmhter dih ko hna.