MARKA 14:41 - Lai (Hakha) Common Language Bible 2006

⁴¹ A voi thumnak a rat tikah khan a thawh hna i, “Nan i hngilh ko rih maw? Nan i din ko rih maw? A za cang! A caan a phan cang. Zohhmanh u, Mi Fapa cu misual mi hna kut chungah pek a si cang.

Laibaibal Thiang (BSI)

⁴¹ A voithumnâk i a rak kir ṭhân tikah, nan i hngilh peng i nan i din ko rih maw? A za cang a cân a phân cang: Mi Fapa hi misual kutah tlaihter a si cang lai.

MARKA 14:41 ပူးပေါင်းရင်းမြစ်များ

1 SIANGPAHRANG 18:27

Cun chun ah khin Elijah nih cun a nihsawh hna i, “Fak piin au ngat u, pathian pei a si cu; khuadang a ruah lio hoi hna maw a si maw, ka khatkhat ah a kal ta rih i maw a si maw, asiloah, khual a tlawng i dik a si ko lai, aa hngilh i ṭhangh a herh zong a si ko lai dah kaw!” tiah a ti hna.

1 SIANGPAHRANG 22:15

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u; Bawipa nih siangpahrang kut chungah a pek ko lai,” tiah a leh.

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

MATTHAI 26:2

“Nan hngalh bantukin, hi hnu ni hnih ah, Lanhtak Puai kha a si cang lai, cun Mi Fapa cu vailam tahnak i khenhchih awkah tlaihter a si lai,” tiah a ti hna.

MARKA 14:10

Zultu pahleihnih hna lak i aa tel vemi Judas kha, tlangbawi upa hna sinah a va kal i Jesuh cu nan kut chungah kan pek hna lai, tiah a va ti hna.

MARKA 14:18

Cabuai i rawl an ei lioah khan Jesuh nih a thawh hna i, “Nan lak i pakhat nih hin nan ka rawi lai, ka sin i rawl a eimi nih hin,” tiah a ti.

MARKA 14:35

Hmailei ah tlawmpal a va kal i vawlei ah a bawk i, a si khawh ahcun harnak khan a luat khawh nakhnga, thla a cam.

MARKA 14:40

Cun a zultu hna sinah khan a ra ṭhan i an rak i hngilh ṭhan kha a hmuh hna; an mit kha a au in an au kho lo. Cun zeiti chawnh awk an hngal lo.

MARKA 14:42

Tho u law, kal u sih. Zohhmanh u, keimah a ka rawitu cu hika a phan cang,” tiah a ti.

MARKA 7:9

Cun Jesuh nih cun a thawh ṭhan hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko.

MARKA 9:31

Zeitindah a cawnpiak hna tiah, “Mi Fapa hi mi kut chungah chanh ka si lai i cu hna nih cun an ka thah lai. Sihmanhsehlaw ni thum hnuah ka tho ṭhan lai,” tiah a ti.

JOHAN 12:23

Jesuh nih cun, “Mi Fapa hi sunparnak nganpi pek ka si caan a phan cang.

JOHAN 12:27

Jesuh nih cun aa thawh i, “Atu hi ka lungre a thei — zeidah ka chim lai? ‘Ka Pa, hi caan hi ka cungah phakter hlah,’ ka ti lai maw? Ka ti lai lo, hi nganfahnak innak caan ton dingah hin pei ka rat cu.

JOHAN 17:1

Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

JOHAN 7:30

Cun annih nih tlaih kha an zalh, sihmanhsehlaw ahohmanh nih an tlai kho taktak lo, zeicahtiah caan kha a rem deuh rih lo.

JOHAN 8:20

Hi bia Jesuh nih a chimnak hi biakinn chung, thawhlawm kuang an hun hnanak hmun i a cawnpiak hna ah khan a si. A caan a tlin rih lo caah ahohmanh nih an tlai lo.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

BIACEIHTU 10:14

Va kal u law, nan i thimmi pathian cu va au hna u; annih nih nannih cu vansang au in nan um lio caan ah in chuah hna seh,” tiah a ti.