MARKA 14:24 - Lai (Hakha) Common Language Bible 2006

²⁴ Jesuh nih cun, “Mi tampi ca i ka thletmi ka thi a si. Pathian biakamnak a fehtertu ka thi a si.

Laibaibal Thiang (BSI)

²⁴ Anih nih, “Hihi ka thisen i biakam thar, mi tampi ca i a chuak hngami cu a si.

MARKA 14:24 ပူးပေါင်းရင်းမြစ်များ

EXODUS 24:8

Cun Moses nih kheng chung thi kha aa lak i mi zapi cu a theh hna. Aa thawh i, “Bawipa nih hi nawlbia vialte hi an pek hna tikah nanmah he a sermi biakamnak a fehtertu cu hi thisen hi a si,” a ti.

JEREMIAH 31:31

“Israel mi hna le Judah mi hna he biakamnak thar ka ser lai ni cu a ra lio, tiah Bawipa nih a ti.

ZEKHARIAH 9:11

Nang tu cu, ka sin i bia naa kamnak, thisen in na fehtermi na biakamnak thawng khan, Vawlei tang thonginn chungin na thongtla hna cu ka chuah hna.

MARKA 10:45

Zeicahtiah Mi Fapa hmanh hi, rian ṭuanpiakmi si awkah ka rat ṭung lo, midang rian ṭuanpiaktu si awk le mi tampi tlanhnak ding ca i ka nunnak pek awkah pei ka rat cu,” tiah a ti hna.

MARKA 14:23

Cun hrai kha aa lak i Pathian sinah lawmhnak a chim hnuah a zultu kha a pek hna i an dihlak in an din.

MARKA 14:25

Pathian Pennak chungah a thar in ka din ṭhan hlan cu, hi mitsur hang hi ka ding ti lai lo,” tiah a ti.

LUKA 22:20

Cu bantuk ṭhiamṭhiam in zanriah an ei dih hnuah hrai zong kha a pek hna i “Hi hrai hi nan caah ka thletmi ka thi in khenhchihmi Pathian biakamnak a si.

JOHAN 6:53

Jesuh nih khan annih cu, “Biatak kan chimh hna: Mi Fapa ka sa hi nan ei lo i ka thi hi nan din lo ahcun nan chungah nunnak nan ngei kho lai lo.

1 KORIN 10:16

Thluachuahnak hrai ca i Pathian kan lawmh tikah, hi hrai kan din tikah hin Khrih thi kha kan i hrawm a si lo maw? Cun changreu kan ei ṭimi hi tah: hi changreu kan ei ah hin Khrih pum kan i hrawm a si lo maw?

1 KORIN 11:25

Cu bantuk ṭhiamṭhiam in zanriah ei dih in hrai kha aa lak i, “Hi hrai hi Pathian biakamnak thar, ka thi in ka fehtermi a si. Hi hrai nan din fate keimah philh lonak caah ding u,” a ti.