MARKA 14:22 - Lai (Hakha) Common Language Bible 2006

²² Annih nih zanriah cu an ei lioah khan Jesuh nih changreu kha aa lak i lunglawmhnak in thla a cam hnuah a cheu i a zultu kha a pek hna. “Ei u, hihi ka pum a si,” a ti hna.

Laibaibal Thiang (BSI)

²² Cun rawl an ei lioah, Jesuh nih changreu kha a lâk, thluachuah a pêk hnuah a cheu i an sinah a pek, “La ulaw, ei u; hihi ka taksa a si,” tiah a ti.

MARKA 14:22 ပူးပေါင်းရင်းမြစ်များ

GENESIS 41:26

Caw thau pasarih kha kum sarih an si, favui ṭha pasarih zong kha kum sarih an si ṭhiamṭhiam; an sullam cu aa khat ko.

ZEKHARIAH 5:7

Bawm cu suan i sermi chin a ngei i ka zoh ko lioah cun a chin cu an hun i a chungah cun minu pakhat kha a ṭhu ko.

MATTHAI 14:19

Mi cu ram cungah khan a ṭhutter hna i changreu hlum nga le nga pahnih cu aa lak i van a cau i Pathian kha a thangṭhat. Changreu kha a cheu hna i a zultu kha a pek hna i a zultu hna nih khan mizapi cu an phawt hna.

MARKA 10:16

Cun ngakchia cu a pom hna i an cungah a kut a chuan i thluachuahnak a pek hna.

MARKA 14:21

Cathiang nih a chimning in Mi Fapa cu a thi ko lai, sihmanhsehlaw Mi Fapa a rawitu ding cu, a caah a va poi hringhran dah! Cu pa cu chuak lo lawlaw in rak um seh law a caah a ṭha deuh hnga,” tiah a ti.

MARKA 14:23

Cun hrai kha aa lak i Pathian sinah lawmhnak a chim hnuah a zultu kha a pek hna i an dihlak in an din.

MARKA 14:24

Jesuh nih cun, “Mi tampi ca i ka thletmi ka thi a si. Pathian biakamnak a fehtertu ka thi a si.

MARKA 6:41

Cun Jesuh nih khan changreu tlang nga le nga pahnih cu a lak hna i van kha a zoh i Pathian sinah lunglawmhnak bia a chim. Changreu cu a cheu hna i a zultu kha a pek hna i mizapi kha pe hna u, tiah a ti hna. Cun nga pahnih zong kha an dihlak in a phawt hna.

LUKA 22:17

Cun Jesuh nih hrai kha a lak i Pathian sinah lawmhnak bia a chim hnuah, “Hihi i lak u law i hrawm u,

LUKA 24:30

Anmah sinah cabuai ah khan a ṭhu i changreu kha aa lak i thla a cam i changreu cu a beuh i a phawt hna.

JOHAN 6:23

Cun Tiberias khua in a rami lawng a dang kha, Bawipa nih Pathian sinah lawmhnak bia a chim hnuah mizapi nih changreu an einak hmun ah khan an hung i din.

1 KORIN 10:4

an dihlak in thlarau ti kha an din. An sin i a kal lengmangmi thlarau lungpi chung khan ti cu an din i cu lungpi cu Khrih kha a si.

GALATI 4:25

Hagar cu Arabia ram Sinai Tlang kha a si i atu Jerusalem le a chung i a ummi a fale vialte, sal sinak chung i khua a sami hna aiawhtu hi a si.