MARKA 13:35 - Lai (Hakha) Common Language Bible 2006

³⁵ Inn ngeitu kha zeitik i a kir lai nan hngalh lo caah ṭha tein hngak ko u. Zanlei ah a si kho, zanṭim ah a si kho, khuadei hlanah a si kho, nichuak ah a si kho.

Laibaibal Thiang (BSI)

³⁵ Cucaah i ralring u, inn ngeitu rat cân cu zanlei ah maw, zanṭim ah maw, arkhuan cân ah maw, zingah dah a si lai nan hngal lo.

MARKA 13:35 ပူးပေါင်းရင်းမြစ်များ

MATTHAI 14:25

Cun khuangter hrawngah khin Jesuh cu an sin leiah cun a ke in ti cung cun a ra.

MATTHAI 24:42

Cucaah nan Bawipa a rat lai ni nan hngalh lo caah ralring tein um ko u.

MATTHAI 24:43

Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo.

MATTHAI 24:44

Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

MARKA 13:33

Cu caan cu zeitik ah a si lai kha nan hngalh lo caah i ralring te le fimhring tein um ko u.

MARKA 13:37

Nan sin ka chimmi hi mi dihlak sin i ka chim a si: Hngilh loin hngak ko u,” tiah a ti hna.

MARKA 14:30

Jesuh nih Peter cu, “Hihi philh hlah, ar voi hnih a khuan hlanah, ka hngal lo, tiah voi thum tiang na ka ti lai,” tiah a ti.

MARKA 6:48

Thli kha anmah lei hoih in a hran caah a zultu hna nih khan an lawng zah cu an i harh ngai, ti kha a hei hmuh hna. Cucaah zinglei suimilam pathum le paruk kar hrawngah khin an sinah ti cung cun a ra i lonh hnek khi a zalh hna.