MARKA 12:32 - Lai (Hakha) Common Language Bible 2006

³² Phungbia cawnpiaktu saya nih cun Jesuh cu a leh ve i, “A ṭha ngaingai, saya! Na chimmi cu a hmaan, Bawipa lawnglawng hi Pathian cu a si taktak i pathian dang zeihmanh an um ti lo.

Laibaibal Thiang (BSI)

³² Nawlbia cawnpiaktu nih a sinah, “A ṭha, cawnpiaktu. Biatak na chim, Pathian cu pakhat a si, Amah hlei a dang an um lo.

MARKA 12:32 ပူးပေါင်းရင်းမြစ်များ

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

ISAIAH 46:9

Hlanpi ah a rak ummi thil kha philh hlah u; keimah lawnglawng Pathian ka si le keimah bantuk a dang pathian ahohmanh an um lo kha hngal peng u.

MARKA 12:29

Jesuh nih a leh i, “ ‘Israel mi hna ngai tuah u; Bawipa kan Pathian lawnglawng hi Bawipa a si.

MARKA 12:33

Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh,” tiah a ti.

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

DEUTERONOMI 5:7

“ ‘Keimah hleiah a dang pathian zeihmanh na ngei hna lai lo.

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;