MARKA 12:28 - Lai (Hakha) Common Language Bible 2006

²⁸ Cuka ah cun bia an i almi a rak theitu Phungbia cawnpiaktu saya pakhat a rak um. Jesuh nih Sadusi mi hna cu ṭhalo tein a leh hna ti kha a hngalh tikah a ra i, “Nawlbia lakah hin zeidah a biapi bik?” tiah a hal.

Laibaibal Thiang (BSI)

²⁸ Nawlbia cawnpiaktu mi pakhat a ra i an i alnâk kha a rak ngai ve. An halmi zong palhnâk um loin a leh hna ti zong a theih, “Nawl pêkmi lakah a hmasabik zei dah?” tiah a hal.

MARKA 12:28 ပူးပေါင်းရင်းမြစ်များ

MATTHAI 19:18

Tlangvalpa nih cun, “Zei nawlbia hna dah?” tiah a ti. Jesuh nih, “Lai va nawng hlah; nu le pa sualnak va tuah hlah; fir hlah; lih chim hlah;

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

MATTHAI 5:19

Cucaah cun ahohmanh nih nawlbia lak i a hme bik te hmanh kha zul loin a um i midang zong kha cu bantukin a cawnpiak hna ahcun, cu pa cu Vancung Pennak chungah a hme bik a si lai. Cun Nawlbia kha a zul i midang zong kha, cu bantukin zulh awk, tiah a cawnpiakmi hna cu, Vancung Pennak ah mi ngan a si lai.

MARKA 9:14

A zultu dang hna sin kha an va phak tikah, mi tampi an rak um kha an hmuh hna. Phungbia cawnpiaktu saya a cheu khat kha a zultu hna he cun bia an rak i al len ko.

LUKA 11:42

“Farasi mi hna, nan caah ṭihnung a va si dah! Pathian sinah, tihang ṭamhnak puṭinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu.

LUKA 20:39

Phungbia cawnpiaktu saya a cheu nih khan an hun i thawh i, “Saya, na lehnak hna cu a ṭha ngaingai,” an ti.