MARKA 12:24 - Lai (Hakha) Common Language Bible 2006

²⁴ Jesuh nih cun a leh hna i, “Nan hei palh hringhran dah! Cun zeicahdah kan palh ti nan hngal maw? Cathiang siseh, Pathian ṭhawnnak siseh nan hngalh lo caah a si.

Laibaibal Thiang (BSI)

²⁴ Jesuh nih, “Cathiang le Pathian thiltikhawhnâk nan hngalh lo caah nan palh tawnnâk cu a si.

MARKA 12:24 ပူးပေါင်းရင်းမြစ်များ

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

JEREMIAH 32:17

‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

HOSEA 6:2

Amah hmaiah kan um khawh nakhnga Ni hnih hnuah cun a kan nunter ṭhan lai i A ni thum ni ah hmasa kan sining ah khan a kan chiah ṭhan lai.

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

HOSEA 8:12

Cawnpiaknak kha rel cawk loin ca in ka ṭialpiak ko hna nain zeihmanh ah an rel hna lo.

MATTHAI 22:29

Jesuh nih cun, “Nan hei palh hringhran dah. Hi ti nan palhnak cu Cathiang kha siseh, Pathian ṭhawnnak kha siseh, nan hngalh lo caah a si.

MARKA 10:27

Jesuh nih cun dengteo in a zoh hna i, “Hihi minung caah cun a si kho lo, sihmanhsehlaw Pathian caah cun a si kho ko, zeicahtiah Pathian nih a tuah khawh lomi zeihmanh a um lo,” tiah a ti hna.

MARKA 12:23

Cucaah thawh ṭhan ni ah mithi vialte kha thawhter an si ahcun, cu nu cu aho nupi dah a si kun lai? An pasarih tein an ṭhit cio ṭung?” an ti.

MARKA 12:25

Mithi cu thawhter an si tikah vancungmi bantuk pei an si lai cu, an i ṭhi in an i um ti lai lo.

LUKA 1:37

zeicahtiah Pathian nih a tuah khawh lomi thil zeihmanh a um lo,” tiah a ti.

JOHAN 20:9

(Cathiang nih thihnak in a tho ṭhan lai tiah a timi kha an hngal ṭhiamṭhiam rih lo.)

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

EFESA 1:19

a zummi hna chung i rian a ṭuantu a ṭhawnnak cu zeitluk in dah a ngan ti kha nan hngalh khawh nakhnga caah a ceunak cu nan hmuh khawhnak hnga, nan lung kha in hunpiak ko hna seh. Hi kan chung i a ummi ṭhawnnak hi,

FILIPI 3:21

A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak ṭhawnnak kha a hman lai.