MARKA 11:28 - Lai (Hakha) Common Language Bible 2006

²⁸ “Aho nawl in dah hi thil hi na tuah hna? Aho nih dah hi thil tuahnak nawl hi an pek?” tiah an hal.

Laibaibal Thiang (BSI)

²⁸ a sinah, “Aho nawl ngeihnâk in dah hihi na tuah? Ahonihdah hi thil tuah awkah nawlngeihnâk an in pek?” tiah an ti.

MARKA 11:28 ပူးပေါင်းရင်းမြစ်များ

EXODUS 2:14

Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.

NAMBAR 16:13

Ramcar chung i kannih kha thah awkah cawhnuk le khuaihliti in a luangmi ram in na kan chuahpi hi, thil hme tuai a si maw, kannih cung i bawi i naa ser zong hi?

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

MARKA 11:27

Cun Jerusalem khua ah khan an ra ṭhan. Jesuh cu Biakinn chung i aa chawh lioah khan tlangbawi upa hna le Phungbia cawnpiaktu saya hna le upa hna nih khan an fuh i,

MARKA 11:29

Jesuh nih cun an bia cu a leh hna i, “Bia pakhat tein kan hal ve tuah hna lai. Ka let u law, aho nawl in dah hi thil hi ka tuah hna ti kha kan chimh ve hna lai.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!