MARKA 11:23 - Lai (Hakha) Common Language Bible 2006

²³ Biatak kan chimh hna, ahohmanh nih hi tlang hi, ‘Tho law rili ah khin vaa paih,’ tiah zumh lonak zeihmanh um loin nan ti i, kan chimmi hi a tling lai, tiah nan zumh ahcun, tuahpiak nan si ko lai.

Laibaibal Thiang (BSI)

²³ Zeitintiah biataktein kan chimh hna, hi tlâng sinah, ‘I ṭhial law, rili ah i hlawnh,’ tiah lungthin i lunghrinh lo tein, zumhnâk in a chimtu pauh tuahpiak a si lai, a chimmi pauh a hmuh ko lai.

MARKA 11:23 ပူးပေါင်းရင်းမြစ်များ

SALM 37:4

Bawipa kha i bochan u law nan lungthli tum kha an pek hna lai.

MATTHAI 14:13

Cu thawng cu Jesuh nih a theih tikah cuka cun lawng in hmunking ah amah lawng tein a kal. Cu thawng cu mizapi nih khan an theih i an khua cio khan Jesuh cu an ke in an fuh.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MATTHAI 21:21

Jesuh nih cun, “Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, ‘I ṭhial law rili chungah i paih,’ nan ti ahcun aa ṭhial lai i aa paih ko lai.

LUKA 17:6

Bawipa nih cun a leh hna i, “Nannih nih anṭam ci ngaw zumhnak nan ngeih ahcun, hi thingtheihmung kung hi, ‘Na hram in i phawi law rili ah khin vaa phun,’ nan ti ah nan nawl an ngaih ko hna lai,” tiah a ti.

JOHAN 14:13

Pa sunparnak cu Fapa thawngin a langh khawh nakhnga, ka min in nan halmi paoh cu kan tuahpiak hna lai.

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.