MARKA 10:24 - Lai (Hakha) Common Language Bible 2006

²⁴ Cu a chimmi bia an theih tikah a zultu hna cu an khuaruah a har ko. Asinain Jesuh nih a thawh ṭhan hna i, “Ka fale hna, Pathian Pennak chung luh hi zeitluk in dah a har!

Laibaibal Thiang (BSI)

²⁴ A chimmi nih Lamkaltu kha an khuaruah a harter hna, Jesuh nih a chimh ṭhân hna i rumnâk â bochanmi hna caah Pathian pennâk luh cu zeitlukindah a har.

MARKA 10:24 ပူးပေါင်းရင်းမြစ်များ

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

PHUNGTHLÛKBIA 11:28

A rumnak kha aa bochanmi cu a ṭil lai, sihmanhsehlaw miding cu thinghnah hring bantukin an hninghno lai.

PHUNGTHLÛKBIA 18:11

Mirum mi nih a chawva cu, a fekmi khua le a sangmi ralhau a si tiah a ruah.

PHUNGTHLÛKBIA 23:5

Na tangka cu mitṭhep ah an lo kho ko, Thla kha i serh duak in mupi bangin an zuang kho ko.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

HABAKKUK 2:9

Rawk ding nan si ko cang! Hranhram in mi nan va chuhmi hna thil khan nan innchungkhar nan rumter i harnak le ṭihnung nih phak khawh lo dingin him tein nan tuah!

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

MATTHAI 19:25

Cu bia cu a zultu hna nih khan an theih tikah an khuaruah a har i, “Ahodah khamhnak a hmu kho kun lai?” an ti.

MARKA 1:27

Mizapi cu an khuaruah a har tuk hringhran i, “Mah hihi zeidah a si ee? Cawnpiaknak thar phun khatkhat maw a si? Hi pa nih hin khuavang kha chuak u, a ti hna i an ngaih ko dah ngai” tiah an ti lengmang.

MARKA 10:23

Jesuh nih a zultu kha a zoh hna i, “Mirum mi caah cun Pathian Pennak chung luh hi a va har lai dah!” tiah a ti.

LUKA 16:14

Farasi mi nih hi a chimmi vialte cu an theih tikah, annih cu tangka a duhmi an si caah, amah kha an nihsawh.

JOHAN 13:33

Ka fale hna, nan sinah sau ka um ti lai lo. Nan ka kawl lai, sihmanhsehlaw ‘Ka kalnak ah cun nan ra kho lai lo,’ tiah Judah mi ka chimh hna bang khan nannih zong kan chimh hna.

JOHAN 21:5

Jesuh nih cun a thawh hna i, “Tlangval hna, zeihmanh nan tlai lo maw?” tiah a ti hna. Annih nih, “Zeihmanh kan tlai lo,” tiah an leh.

JOHAN 6:60

Cu bia cu a zultu mi tampi nih khan an theih i, “A cawnpiaknak hi a har tuk. Ahodah cu bantuk cu a ngai kho hnga?” an ti.

GALATI 4:19

Ka dawtmi ka fale hna, naunganfah nan caah ka ing ṭhan hoi; nan chung i Khrih sining a um hlan paoh cu ka ing zungzal ko lai.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

1JOHAN 2:1

Ka fale hna, hi ca kan kuat hna cu sualnak kha nan tuah nakhnga lo caah a si; sihmanhsehlaw pakhatkhat nih sualnak nan tuah ahcun, a dingmi Jesuh Khrih, Pa sin i bia a kan chimpiaktu, kan ngei ko.

1JOHAN 4:4

Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a ṭhawng deuh.

1JOHAN 5:21

Ka fale hna, pathian deu kha va hrial hna u.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.