MARKA 1:5 - Lai (Hakha) Common Language Bible 2006

⁵ Judea ram le Jerusalem khua i a ummi hna nih khan amah cu an fuh luaimai i an sualnak kha an i phuang i Jordan tiva ah khan tipilnak kha a pek hna.

Laibaibal Thiang (BSI)

⁵ Cuticun Judia rammi vialte le Jerusalem khuachung mi kha a sinah an ra i an sualnâk i phuangin Jordan tiva ah Baptisma a rak pêk hna.

MARKA 1:5 ပူးပေါင်းရင်းမြစ်များ

SALM 32:5

Khi tikah ka sualnak cu nangmah sinah ka phuan hna; ṭhat lonak ka tuahmi cu ka thup hna lo. Nangmah sinah khan ka phuan dih hna i ka nawlbuarnak vialte cu na ka ngaihthiam dih. Selah

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

MATTHAI 4:25

Galilee ram le Khua Pahra timi peng khan le Jerusalem khua le Judea ram le Jordan tiva khattelei ral ram in mi tampi an ra i amah kha an zulh.

MARKA 1:4

Cucaah Johan cu ramlak ah khan a hung chuak i mi kha tipilnak a pek hna i phung kha a chimh hna. “Nan lung i thleng u law tipilnak kha ing tuah u; cun Pathian nih nan sualnak kha an ngaihthiam hna lai,” tiah a ti hna.

MARKA 1:6

Johan cu kalauk hmul in tahmi hnipuan kha aa hruk i a tai ah saphaw taisawm aa sawmh, khaubawk le khuaihliti in aa cawm.

JOHAN 1:28

Hitihin bia an i halnak hmun cu Jordan tiva nichuahlei kam i a ummi Bethani khua, Johan nih tipil a pek hnanak ah khan a si.

JOHAN 3:23

Johan zong kha Aenon ah khan tipilnak a pe ve hna, zeicahtiah cuka ah cun ti tampi a um. Aenon cu Salim in a hla lo. Mi cu amah sinah khan an va kal i tipilnak kha a rak pek hna.

JOHAN 5:35

Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna.

LAMKALTU 19:18

A zummi lak i mi tampi kha an ra i zapi hmaiah an tuahmi vialte kha an phuan.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

JOSHUA 7:19

Khi tikah Joshua nih Akhan sinah cun, “Ka fapa, Bawipa Israel Pathian sinah sunparnak pe law, amah cu thangṭhat tuah; na tuahmi kha ka chim tuah; ka sinin thup hlah,” tiah a ti.