MARKA 1:40 - Lai (Hakha) Common Language Bible 2006

⁴⁰ Jesuh sinah cun thinghmuimi pakhat kha a ra i a khuk aa bil i, “Na duh ahcun na ka thianter khawh,” tiah bawmhnak kha a hal.

Laibaibal Thiang (BSI)

⁴⁰ A sinah thinghmuimi pakhat a ra i, “Na duh ahcun naka thianter khawh,” tiah a hmai ah khuk bilin a nawl lengmang.

MARKA 1:40 ပူးပေါင်းရင်းမြစ်များ

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

2 SAMUEL 3:29

Dantatnak Joab lu cung le a pa innchungkhar vialte cungah tla ko seh; cun Joab chung hna lakah hin thil chuak a ngeimi siseh, thinghmui zawtnak a ngeimi siseh, lathlur a tlaimi siseh, vainam nih a thahmi siseh, rawl a pammi siseh, ṭhing bal hna hlah seh!” tiah a ti.

2 SIANGPAHRANG 15:5

Bawipa nih siangpahrang cu a tuk i cucaah cun a thih ni tiangin mithinghmui a si i inn dangte ah a um. Cun siangpahrang fapa Jotham nih khan innchungkhar cu a zohkhenh i rammi kha a uk hna.

2 SIANGPAHRANG 7:3

Cun kutka luhnak ah cun mi pali an um i annih cu mithinghmui an si; cun pakhat le pakhat kha bia an i ruah i, “Zeicah hen mah kah hin kan thih tiangin kan ṭhut ko?

2 CHANRELNAK 6:13

Solomon nih dar in donhhlei pakhat, dong nga a sau, dong nga a kau i dong thum a sangmi kha tual ah khan a chiah i a cungah cun a dir. Cun Israel mi aa pummi vialte hna hmaiah cun a khuk aa bil i van leiah a kut a phar hna;

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 17:14

Mizapi sin kha an phak ṭhan tikah Jesuh sinah cun mipa pakhat a ra i a hmaiah a khuk aa bil i

MARKA 1:41

Jesuh nih cun a zaang a fak ngaingai i a hei banh i a hei tongh. “Nangmah thianter kha ka duh, va thiang cang,” tiah a ti.

MARKA 10:17

Jesuh cu khual tlawn ah aa thawh ṭhan i cu lioah cun mipa pakhat a hung tli i a hmaiah a khuk aa bil i, “Saya, nangmah cu mi ṭha na si. Zungzal nunnak hmuh awkah zeidah ka tuah lai?” tiah a hal.

LUKA 22:41

Cun an sin khan lungchep tluk a va kal i a khuk aa bil i thla a cam.

LAMKALTU 7:60

A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.

EFESA 3:14

Hi ruangah hin kan Pa hmaiah khuk bil in ka kun tawn,