MALAKHI 3:8 - Lai (Hakha) Common Language Bible 2006

⁸ Minung nih Pathian cu hlen awk a si hnga maw? Si hrimhrim hlah, asinain nan ka hlen.

MALAKHI 3:8 ပူးပေါင်းရင်းမြစ်များ

SALM 29:2

Bawipa min sunglawi cu thangṭhat u, A Thiangmi Bawipa cu a langh tikah a hmaiah kun u.

PHUNGTHLÛKBIA 11:24

Mi pakhatkhat nih siang tein a ṭhenh lengmang hna i a rum chin, a dang pakhat nih tinsih in a um i herhbaunak lawng kha aa miak ko.

ISAIAH 43:23

Khangh thawinak caah nan hmanmi tuu cu keimah nan ka pe lo; raithawinak nan tuah tikah nan upatmi cu keimah ka si lo. Laksawng ka pe u tiah thilrit kan khinh hna lo zihmui ka pe u ti zongah kan ti fawn hna lo.

LEVITIKAS 19:25

Sihmanhsehlaw a kum nganak ah cun an theitlai cu nan ei hna lai, nannih caah tam chin in an tlai nakhnga: keimah cu Bawipa nan Pathian ka si.

ZEKHARIAH 5:3

“Mah hihi ram pumpi a cultu chiatserhnak a si; khattelei kam i ṭialmi hin mifir vialte kha hloh dih an si lai i khattelei kam i aa ṭialmi hin lih in chiat a sermi vialte kha hloh dih an si lai.

MALAKHI 1:13

Nan hnimh i, ‘A kan nor’ nan ti, tiah ralkapbu Bawipa nih a ti. Nannih nih nan pekchanh awk saṭil caah khan a ke a bulmi hna, a beimi hna, zawtnak a ngeimi hna, nan rak put i cucu kan cohlang hna hnga maw, tiah Bawipa nih a ti.

MALAKHI 1:8

a mit a cawmi saṭil kha kan pekchanh ahcun zeihmanh a poi lai lo, a ke a beimi saṭil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai ṭha an pe hna hnga maw, tiah ralkapbu Bawipa nih a chim.

MATTHAI 22:21

Cun Jesuh nih cun, “A si ahcun, Siangpahrang cu siangpahrang ta a simi thil kha va pe u law Pathian cu Pathian ta a simi thil kha va pe ko u,” tiah a ti hna.

MARKA 12:17

Cun Jesuh nih, “A si ahcun, Siangpahrang ta a simi cu Siangpahrang cu va pe ko u, Pathian ta a simi cu Pathian kha va pe ko u,” tiah a ti hna i an ar ṭhup ko.

LUKA 20:25

Annih nih, “Siangpahrang hmai le min a cuang,” tiah an leh. Cucaah Jesuh nih a thawh hna i, “A si ahcun, Siangpahrang ta a simi cu Siangpahrang kha pe ko u, Pathian ta a simi cu Pathian kha pe ko u,” tiah a ti hna.

ROM 13:7

Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.

ROM 2:22

“Va cungin pa i duh hlah u,” a titu hna, zeicahdah nan i duh kun? Siasal a fihmi hna, zeicahdah siasal biakinn cu nan ramh kun hna?

JOSHUA 7:11

Israel nih a sual cang; nawl ka pekmi hna ka biakamnak cu an buar cang; pekchanhmi thil cu tlawmpal an i lak; an fir i lih an chim i an thil sinah an chiah hna.