MALAKHI 3:7 - Lai (Hakha) Common Language Bible 2006

⁷ Nan pupa chan in nannih cu lampial hmangmi nan si i ka phunglam kha nan zul hna lo. Ka sinah nan ra kir ahcun, nan sinah ka ra kir ve lai, tiah ralkapbu Bawipa nih a ti. Nannih nih nan i thawh i, “Zeitindah kan kir khawh lai?” nan ti.

MALAKHI 3:7 ပူးပေါင်းရင်းမြစ်များ

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

ISAIAH 65:2

Anmah duhnak lei paoh ah a kal i ṭhat lonak a tuah peng tu hna hi, ka za ka chanh zungzal ko hna.

JEREMIAH 16:11

Cun nang nih na leh hna lai i, ‘Nan pupa hna nih an ka hlawt i pathian dang kha an zulh hna i an rian an ṭuan hna i an biak hna caah a si. An ka hlawt i ka phungbia kha an ngai lo.

JEREMIAH 16:12

Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

JEREMIAH 3:22

Maw a tlaumi ka fale hna, ka sinah ra kir u, Nan tlaunak kha kan damter hna lai. Maw Bawipa, na sinah kan ra, nangmah sinah kan ra; Zeicahtiah nangmah cu kan Pathian na si.

JEREMIAH 7:25

Nan pupa hna nih Izipt ram in an chuah ni in nihin ni tiang, ka sal profet vialte hna kha ngol lo tein ni khat hnu ni khat an sinah ka thlah hna;

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

EZEKIEL 2:3

A ka thawh i, “Mipa, nangmah cu Israel mi hna sinah khan kan thlah lai, annih cu ralthawh hmang miphun, keimah a ka doh tawnmi miphun an si.

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

EZEKIEL 20:21

“Sihmanhsehlaw an fapale hna zong nih cun an ka doh ṭhiamṭhiam. Ka nawlbia kha an zul hna lo i ka phunglam kha an tuah hna lo, pakhatkhat nih rak tuah hna seh law cu, cu thawng cun nunnak an hei hmuh ṭung hnga, ka sabbath kha an buar fawn hna. Cu tikah ramlak ah cun ka thinhun ka chuahhnawh hna lai i ka thinlinh ka hlinh ko hna lai dahra maw, tiah ka ruah ṭhan.

EZEKIEL 20:28

Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a ṭhami paoh kha an i chingchiah i khika ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna.

EZEKIEL 20:8

“Sihmanhsehlaw an ka doh, ka bia kha ngaih an duh lo i ahohmanh nih an mit lungriam in an rak zohmi thil fihnung kha hlonh an duh hna lo i Izipt siasal kha hlawt an duh hna lo. Izipt ram ah khan, ka thinhunnak cu ka bunghhnawh lawlaw ko hna lai hlah maw, ka thinlinhnak cu ka hlinh lawlaw ko hna lai hlah maw, tiah ka rak ruat.

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

MALAKHI 1:6

Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

MALAKHI 3:13

Ka kongah biahrang kha nan chim, sihmanhsehlaw nan i thawh i, “Zeitindah kan in thangchiat?” nan ti.

MATTHAI 23:27

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.

LUKA 15:16

Vok nih an eimi bekawng hmanh kha ṭam lenning ti a duh, asinain ahohmanh nih ei awk zeihmanh an pe lo.

ROM 10:21

Sihmanhsehlaw Israel kong ah cun, “Nawl ngai lomi le ral ser hmangmi kha, chunnitlak in ka za ka chanh hna,” a ti.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.