MALAKHI 3:6 - Lai (Hakha) Common Language Bible 2006

⁶ Keimah cu i thleng loin Bawipa ka si caah nannih Jakob tefa zong nan rawk dih lo.

MALAKHI 3:6 ပူးပေါင်းရင်းမြစ်များ

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 15:7

Cun Bawipa nih Abram cu a thawh i, “Hi ram hi nangmah pek awkah Khaldi ram Ur khua in chuah an fialtu cu Bawipa hi ka si,” a ti.

GENESIS 22:16

“Keimah nih keimah min hrimhrim in biakamnak ka ser lai — hihi Bawipa chimmi bia a si — fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

SALM 102:26

Van le vawlei cu an lo dih lai, sihmanhsehlaw nang cu na hmun lai; annih cu puan bangin an ṭet lai. Puan bangin na thlen hna lai i an lo lai;

SALM 102:27

sihmanhsehlaw nang cu zungzal in nangmah bon na si ko i na nunnak a dong lo.

SALM 102:28

Kan fale cu him tein khua an sa lai i an tefa hna cu nangmah nih zungzal in na huhphenh hna lai.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

SALM 78:57

an pu an pa hna bantuk khan ral thawh hmang le zumh awk tlak loin an um ve, aa merhmi likuk in kahmi thal cu a ka a kheng khomi a si lo caah i bochan khawh ding a si lo bantukin annih zong bochan awk a tlakmi an si ve lo.

ISAIAH 41:13

Keimah cu Bawipa nan Pathian ka si i ṭhawnnak kan pek hna; ‘Nan thinphang hlah u, kan bawmh hna lai,’ tiah keimah nih ka ti,” a ti.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 46:4

Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai.

JEREMIAH 32:27

“Keimah cu Bawipa, mi vialte i Pathian ka si. Ka caah a si kho lomi thil zeital a um maw?

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

HOSEA 11:9

Ka thinhun in kan hrawk lai lo, Israel cu ka hrawk ṭhan lai lo. Zeicahtiah kei cu Pathian ka si, minung ka si lo. A Thiang Mi Keimah cu nan sin i a ummi hi ka si, Nan sinah thinhun in ka ra lai lo.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

HEBRU 13:8

Jesuh Khrih cu nizan le nihin le zungzal in amah ning a si ko.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

BIAPHUAN 22:13

Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti.

1 SAMUEL 15:29

Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo,” tiah a ti.