MALAKHI 3:4 - Lai (Hakha) Common Language Bible 2006

⁴ Cuticun hlan lio pi i a rak si bantuk khan, Judah ram le Jerusalem khua chung i raithawinak an pekchanhmi cu Bawipa duhmi thil an si ṭhan lai.

MALAKHI 3:4 ပူးပေါင်းရင်းမြစ်များ

1 CHANRELNAK 15:26

Cun Bawipa biakamnak kuang a zawntu Levi mi hna cu Pathian nih a bawmh hna caah, annih nih cawtum pasarih le tuutum pasarih an thawi hna.

1 CHANRELNAK 21:26

Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh.

2 CHANRELNAK 1:6

Cun Solomon cu Bawipa hmai i a ummi dar biakṭheng, tonnak thlam i a ummi ah cun a hung kal i a cungah khangh thawinak thong khat a pekchanh.

SALM 51:17

Ka raithawinak cu toidornak lungthin hi a si, maw Pathian, toidornak lungthin le nawl ngaimi lungthin hi na hlaw lai lo.

SALM 51:19

Khi tikah ahmaanmi raithawinak le khangh thawinak hna ah cun naa lawm lai i na biakṭheng cungah cawtum cu an thawi hna lai.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.