MALAKHI 3:10 - Lai (Hakha) Common Language Bible 2006

¹⁰ Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

MALAKHI 3:10 ပူးပေါင်းရင်းမြစ်များ

GENESIS 28:22

Philh lonak lung ah ka phunmi lung hi na inn a si lai i na ka pekmi thil vialte cheu hra ah cheu khat kan pek lai,” a ti.

GENESIS 7:11

Noah kum za ruk a si kum, thla hnihnak thla a ni hleisarih ni ah, vawlei tang i a ummi rilipi a hna vialte kha an i hung i van i awng vialte zong khi an i hung ve i ti cu vawlei cungah an tla,

2 SIANGPAHRANG 7:19

ralbawipa nih cun Pathian mi kha, “Bawipa hrimhrim hmanh nih van ah khin thlalangawng a ser hna hmanh ah, mah bantuk thil cu a cang kho hnga maw?” tiah a rak leh. Cun anih nih a rak thawh i, “Na mit cun na hmuh sawk lai, sihmanhsehlaw a ei cu na ei lai lo,” a ti.

2 SIANGPAHRANG 7:2

Cun siangpahrang nih a kut aa hngatchanmi ralbawi nih khan Pathian mi cu a thawh i, “Bawipa hrimhrim hmanh nih van ah khin thlalangawng hna a ser hmanh ah, mah thil hi a si kho hnga maw?” tiah a ti. Sihmanhsehlaw anih nih, “Na mit hrimhrim in na hmuh lai, sihmanhsehlaw a ei cu na ei lai lo” tiah a ti.

1 CHANRELNAK 26:20

Cun Levi mi hna lak khan, Ahijah nih khan Pathian inn chawhlawn kuang le pekchanhmi laksawng chawhlawn kuang kha a zohkhenh hna.

NEHEMIAH 12:44

Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

NEHEMIAH 12:47

Cun Israel mi vialte nih Zerubbabel le Nehemiah chan ah khan hlasatu pawl le kutka cawngtu pawl kha nifa an covo a simi kha an pek hna; cun Levi mi ca i a simi kha a dang tein an chiah i Levi mi hna nih khan Aaron tefa hna ca i a simi kha a dang tein an chiah ve.

NEHEMIAH 13:5

changvut thawinak le frankinsen le umkheng hna le rawl cheu hra cheu khat hna le mitsur hang le chiti, nawlbia in Levi mi hna le hlasatu hna le kutka cawngtu hna pek awk le tlangbawi hna ca i thawhlawm pekmi hlan i an rak chiahnak khaan nganpi kha Tobiah caah cun a timh.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

SALM 78:23

Sihmanhsehlaw van kha bia a chimh i a innka kha a hunter;

PHUNGCHIMTU 11:3

Khuadawm cu ruahti in a khah tikah vawlei cungah a rung sur, Thingkung cu khuazeilei hoih paoh hmanh in tlu hmanh seh law a tluknak ah khan a ril ko.

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

EZEKIEL 44:30

Theitlai hmasa bik hna lak i hmasa bik hna le nan thawhlawm zeizong phun zakip vialte cu a ning piin tlangbawi hna ta a si lai. Nan inn chungah thluachuahnak a cam khawh nakhnga changreu ca nawnmi chang a hmasa bik hlum cu tlangbawi kha nan pek hna lai.

HOSEA 2:21

Khi tikah ka mi Israel mi an thlacamnak kha ka leh hna lai. Vawlei ah ruah ka surter lai i rawl le mitsur le oliv thei kha an chuah hna lai, tiah Bawipa nih a ti.

JOEL 2:19

Annih nih an nawlnak kha a leh hna i, “Atu cu rawl le mitsur hang le chiti kha kan pek hna lai i khim tein nan um lai; Miphun dang nih nannih cu an in serhsat ti hna lai lo.

JOEL 2:24

Phuhri cu rawl in an khat lai i Mitsur nennak khor cu mitsur hang le chiti in an liam lai.

LEVITIKAS 26:10

Cun saupi chiahmi rawl hlun khonmi kha nan ei lai i a thar chiahnak caah a lawnnak a um nakhnga a hlun cu nan chuah hna lai.

LEVITIKAS 26:3

“Ka phunglam kha nan zulh hna i ka nawlbia kha nan ulh hna i nan tuah hna ahcun,

LEVITIKAS 27:30

“Ram chung thil, cheu hra cheu khat vialte cu, ram chung i thlakmi thlaici a si ah, thingkung hna theitlai a si ah, Bawipa ta a si; Bawipa ca i a thiangmi a si.

HAGGAI 2:19

Rawlruk ah thlaici ca hmanh a um ti lo i mitsur ruang le theipi kung le taleti kung le oliv kung nih thei zeihmanh an tlai rih lo nain atu thawk in hmailei cu thluachuah kan pek cang hna lai, tiah Bawipa nih a ti.

NAMBAR 18:21

“Levi mi cu tonnak thlam chung i an rian, cu rianṭuan man ah cun Israel mi hna lak i cheu hra cheu khat cu ro caah ka pek hna.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

DEUTERONOMI 12:6

khika ah nan kal lai i khika ah nan khangh thawinak hna le nan raithawinak hna le nan cheu hra cheu khat hna le nan pekchanhmi pekchanhnak hna le, nan biakamnak pekchanhnak hna le nan mah lungthote pekchanhnak hna le nan saṭil run chung le nan tuurun chung i fater hna cu nan rak put hna lai;

DEUTERONOMI 14:22

“Kum fate in lo in a chuakmi nan thlaici theipar vialte cu cheu hra ah cheu khat nan pekchanh lai.

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

DEUTERONOMI 28:12

Nan ram ruah cu amah caan te ah surter awk le nan kut rianṭuanmi cu thluachuah pek awkah, Bawipa nih a ro khonnak hmun ṭha, van hna cu, an hunpiak hna lai. Miphun tampi cu nan coih hna lai, sihmanhsehlaw ahohmanh nan cawi hna lai lo.