MALAKHI 2:7 - Lai (Hakha) Common Language Bible 2006

⁷ Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

MALAKHI 2:7 ပူးပေါင်းရင်းမြစ်များ

2 SIANGPAHRANG 16:11

Cun tlangbawi Urijah nih biakṭheng kha a ser; Siangpahrang Ahaz nih Damaskas khua in a kuatning te khan, Siangpahrang Ahaz cu Damaskas khua in a ra phak hlanah, Urijah tlangbawi nih a rak ser dih.

2 SIANGPAHRANG 16:16

Tlangbawi Urijah nih mah vialte hi Siangpahrang Ahaz nih nawl a pek bangin a tuah dih.

2 CHANRELNAK 30:22

Cun Bawipa rian ṭuannak i thiamnak ṭha a langhtertu Levi mi kha Hezekiah nih a forh chin hna. Cucaah cu puai rawl cu mi zapi nih khan ni sarih an ei i Bawipa an pupa hna Pathian sinah khan daihnak thawinak an pekchanh i lawmhnak kha an pek.

2 CHANRELNAK 31:4

Cun tlangbawi hna le Levi mi hna kha Bawipa phungbia ah an i pek khawh nakhnga, Jerusalem mi hna cu tlangbawi hna le Levi mi hna nih an hmuh awk a simi kha nan pek hna lai tiah nawl a pek hna.

EZRA 7:10

Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.

EZRA 7:25

“Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

PHUNGTHLÛKBIA 5:2

Ruahthiamnak kha na ngei kho lai i na chimmi cu hngalhnak in chimmi a si lai.

PHUNGCHIMTU 5:5

Bia i kam ṭung i tuah lo nakcun rak i kam lo lawlaw kha a ṭha deuh.

ISAIAH 42:19

Ka sal nakin a mit a caw deuhmi an um ti hnga maw? Ka thlahmi ka lamkal nakin a hna a chet deuhmi an um ti hnga maw?

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

JEREMIAH 15:19

Cun Bawipa nih hi bangin a leh; Ka sinah na kir ṭhan ahcun kan lak ṭhan lai i ka hmaiah na dir lai. Bia ṭha chim kha na thiam i bia chia kha na hlawt ahcun, Ka bia chimtu na si lai.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

EZEKIEL 22:26

A tlangbawi hna nih ka phunglam kha an hrawh i ka ca i a thiangmi thil kha an thurhhnawmh hna. A thiang le a thianglo kha an thleidang hna lo i a thiang le a thianglo an i dannak kha an cawnpiak hna lo. Ka sabbath hna kha zei ah an rel hna lo i kei cu an lakah hmaizahnak hmu loin ka um.

EZEKIEL 7:26

Thlichia kha pakhat hnu pakhat an i zul lai i thawngchia kha pakhat hnu pakhat an i zul ve lai. Langhnak kawl ah mi nih profet cu an fuh hna lai, sihmanhsehlaw tlangbawi nih lam ṭhit an thiam ti lai lo i upa nih fimchimh an thiam ti lai lo.

DANIEL 11:33

Hi miphun a hruaitu hna mifim hna nih khan zapi cu lam an hruai hna lai, sihmanhsehlaw caan tlawmte chung cu mei le vainam in hremmi ah an tla lai i saltannak le ramhnak kha an in lai.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

LEVITIKAS 10:11

Israel mi hna kha Moses in Bawipa nih a chimmi nawlbia vialte kha nan cawnpiak hna lai,” tiah a ti.

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

HAGGAI 1:13

Cucaah Bawipa nih a thlahmi Haggai nih, Bawipa nih a fial bangin mizapi cu a thawh hna i,

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

NAMBAR 27:21

Cun tlangbawi Eleazar hmaiah khan a dir lai i amah nih Bawipa hmaiah Urim in bia a halpiak lai; amah bia in an chuak lai i amah bia in an lut lai, amah le amah sinah a ummi Israel mi an dihlak in, mibu cu a ning piin,” tiah a ti.

JOHAN 13:20

Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si,” tiah a ti.

JOHAN 20:21

Cun Jesuh nih cun, “Nan cungah daihnak um ko seh, Ka Pa nih a ka thlah bantukin kei zong nih kan thlah ve hna,” tiah a ti ṭhan hna.

LAMKALTU 16:17

Amah nih cun Paul le kannih kha a kan zulh i, “Hi hna hi Cung Nung Bik Pathian sal an si i anmah nih hin zeitindah khamh nan si khawh lainak kha an in thanh hna,” tiah a au.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

GALATI 4:14

Sihmanhsehlaw zeirello in nan rak ka um lo i a dawnh zong nan rak ka dawn lo. Ka pumsa umtuning kha nan caah thil har a rak si nain Pathian vancungmi bantukin nan rak ka cohlan; Khrih Jesuh bantukin nan rak ka cohlan.

DEUTERONOMI 21:5

Cun Levi fapa hna, tlangbawi hna kha hmaiah an ra chuak lai, zeitintiah Bawipa nih amah rian ṭuan awkah le Bawipa min in thluachuah pek awk caah a thim cang hna i, an bia in tazacuainak vialte le i tukdennak vialte cu biachah a si lai.

DEUTERONOMI 24:8

“Thinghmui zawtnak kong ah i ralring tuah u, Levi tlangbawi hna nih an in chimhmi hna bangin ṭha tein tuah u; nawl kan pek hna bangin nannih nih ralring tein nan tuah lai.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

1 SAMUEL 2:17

Cu bangin tlangval hna sualnak cu Bawipa mit hmuh ah khan a ngan ngaingai ko, zeicahtiah annih nih Bawipa sin pekchanhnak kha zawmhtaih serhsat in an tuah.