MALAKHI 2:6 - Lai (Hakha) Common Language Bible 2006

⁶ Cawnpiaknak mi a rak pekmi hna kha biatak a si i dinlonak bia kha a kaa chungin a chuak lo; keimah he i rem tein le ding tein a kal i mi tampi kha sualnak chungin a khirh hna.

MALAKHI 2:6 ပူးပေါင်းရင်းမြစ်များ

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

GENESIS 6:9

Noah tefa hna cu hihi an si: fapa pathum a ngeih hna, Shem, Ham le Jafeth an si. Noah cu miṭha a si i amah lawnglawng kha cu caan ah cun Pathian lung a tongmi a si; Pathian he i hawikomh in a nungmi a si.

SALM 119:142

Na dinnak cu zungzal in a hmun lai, na phunglam cu ahmaan zungzal ko.

SALM 119:151

Sihmanhsehlaw Maw Bawipa, nang nih cun lam nai tein na ka umpi i na biakamnak cu a si taktakmi an si.

SALM 37:30

Mifim nih cun fimnak bia an chim i ahmaanmi bia kha an ka in a chuak.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

PHUNGTHLÛKBIA 5:2

Ruahthiamnak kha na ngei kho lai i na chimmi cu hngalhnak in chimmi a si lai.

JEREMIAH 23:22

Ka khuakhannak chungah an rak i tel ve a si ahcun, Ka bia kha ka mi hna sinah thanh hna seh law, Ṭhat lonak lam an zulhmi le thil ṭhalo an tuahnak khan kirter hna seh.

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

MARKA 12:14

A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

LUKA 20:21

Cu mingiatu hna nih cun Jesuh cu an thawh i, “Saya, na chimmi le na cawnpiaknak hi ahmaan tiah kan hngalh. Ahohmanh an hmai na zoh hlei fawn hna lo, Pathian nih minung caah a herh a timi biatak kha na cawnpiak ko hna.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

DEUTERONOMI 33:10

Jakob kha na phunglam, Israel kha na phungbia an cawnpiak lai; Nangmah hmaiah zihmui le Na biakṭheng cungah pum khangh thawinak an chiah lai.

DEUTERONOMI 33:8

Cun Levi kong ah: Bawipa, nangmah nih nan duhnak cu, “Thummim le Urim in phuang ko; Zumhawktlak nan sal hna, Levi mi hna thawngin langhter ko. Massah ah na hneksak i Meribah tiput ah zumhawktlak an sinak kha na langhter.

DEUTERONOMI 33:9

A nu le a pa hna le An unau hna le A fale hna nakin Nangmah kha an in ṭanh deuh, Zeitintiah na nawlbia kha an ngaih i na biakamnak kha an zulh.

BIAPHUAN 14:5

Lih an chim bal lo, palhnak zeihmanh an tuah lo.

1 SAMUEL 2:12

Cun Eli fapa hna cu mizeiruaramlo an si; Bawipa kha an hmaizah lo.