MALAKHI 2:4 - Lai (Hakha) Common Language Bible 2006

⁴ Khi tikah hi biachahnak cu kan pek hna ti kha nan hngalh lai: Levi he biakamnak ka rak sermi cu vawlei ah a ril cang, tiah ralkapbu Bawipa nih a ti.

MALAKHI 2:4 ပူးပေါင်းရင်းမြစ်များ

1 SIANGPAHRANG 22:25

Cun Mikaiah nih a thawh i, “Zohhmanh, khi ni ah, innchung chungchin dal i thuh awkah na kal tikah na hngalh te lai,” tiah a ti.

NEHEMIAH 13:29

Maw ka Pathian, annih nih tlangbawi rian le tlangbawi biakamnak le Levi mi hna biakamnak cu an buar caah annih cu hngal camcin ko hna.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.

JEREMIAH 28:9

Cucaah daihnak a um lai, tiah a chimtu profet tu cu, cu profet bia a tlin tikah pei dik amah cu Bawipa nih a thlahmi a si taktak le si taktak lo kha hngalh a si te ko lai,” tiah a ti.

EZEKIEL 33:33

Sihmanhsehlaw a caan a phak tikah cun—cu caan cu a phan te ṭheo lai va si kaw!—an lakah profet pakhat a rak um kha an vun hngalh te lai,” tiah a ti.

EZEKIEL 38:23

Cuticun ka lianhngannak le ka thiannak kha ka langhter lai i miphun tampi nih keimah Bawipa ka si kha an ka hngalh lai.

EZEKIEL 44:7

Cu hleiah ramdangmi kha nan i ratpi fawn rih hna; annih cu lungthin in siseh pum in siseh cuarpartan lomi an si, ka hmunthiang ah khan nan dir i ka rawl kha a thau he a thi he nan ka pek tikah ka inn kha an thurhhnawmh i ka biakamnak kha pakpalawng ah nan ser.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

NAMBAR 18:2

Cun nangmah sinah na unau hna, Levi phun, na pa phun kha, ratpi hna law, nangmah kha an in fonh lai i nangmah he a ummi na fapa hna le nangmah cu hngalhternak thlam hmaiah nan um lioah an in bawmh hna lai.

NAMBAR 18:21

“Levi mi cu tonnak thlam chung i an rian, cu rianṭuan man ah cun Israel mi hna lak i cheu hra cheu khat cu ro caah ka pek hna.

NAMBAR 25:12

Cucaah hi bangin, ‘Zohhmanh, amah cu ka daihnak biakamnak ka pek;

NAMBAR 3:11

Cun Bawipa nih Moses cu a chawnh i,

NAMBAR 3:12

“Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak cang hna. Levi mi cu keimah ta an si lai,

NAMBAR 3:45

“Levi mi hna cu Israel mi hna lak i fater vialte can ah la hna law, Levi mi saṭil hna cu an saṭil can ah la hna; cun Levi mi cu keimah ta an si lai: keimah cu Bawipa ka si.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

LUKA 10:11

‘Kan ke i aa behmi nan khua chung leidip hmanh hi kan in thinhnawh tak hna; sihmanhsehlaw hi tu hi cu run philh hlah u: Pathian Pennak nan pawngte a phan cang hih,’ nan ti hna lai.

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.