MALAKHI 2:2 - Lai (Hakha) Common Language Bible 2006

² Nannih nih ka bia kha nan ngaih lo i ka min kha nan upat lo ahcun, nan cungah chiatnak ka tlunter lai, tiah ralkapbu Bawipa nih a ti. Nannih nih zei ah nan ka rel lo caah thluachuahnak nan hmuhmi cu chiatserhnak caah ka canter lai, chiatsernak ah ka canter taktak lai.

MALAKHI 2:2 ပူးပေါင်းရင်းမြစ်များ

SALM 69:22

An puai cu anmah rawhnak ah cang seh law an i nuamhnak cu anmah tluknak ah cang ko seh.

PHUNGTHLÛKBIA 3:33

Bawipa chiatserhnak cu miṭhalo mi hna inn cungah a tlung i sihmanhsehlaw miding mi hna umnak cu thluachuahnak a pek.

ISAIAH 42:25

Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

EZEKIEL 3:7

Sihmanhsehlaw Israel mi nih cun na bia ngaih kha an duh lai lo, zeicahtiah keimah ka bia ngaih kha an duh lo i annih cu ningzah hngal lomi le lung a hak i a ṭhawng hringhranmi an si.

HAGGAI 1:6

A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianṭuantu nih khan an ṭuan man an hmuhmi cu zal pem chungah an sanh lengmang ko.

HAGGAI 1:9

Nan kawlmi cu a tampi, sihmanhsehlaw nan hmuhmi cu a tlawm. Nan rawl ṭuanmi cu inn i nan hun tlunpi ah khan kei nih lolak in ka rak chem hna. Zeicahdah hi bantukin a si? tiah Bawipa nih a ti. Hi ti a si cu, nannih vial nih i dornak inn nan i ngeih cio cang i kei ka inn vial rawk nelnul in a rilh ko caah hin a si.

MALAKHI 2:1

Atu cu, nannih tlangbawi hna, hi biachahnak hi nannih caah a si:

MALAKHI 3:9

Nan cheu hra cheu khat le nan thawhlawm ah hin nan ka deh a si lo maw? Nannih nih nan ka deh caah nan phun ning piin nan dihlak cungah chiatserhnak kha a um.

LUKA 17:18

Annih zong ra kir in Pathian kha an thangṭhat kho lo maw? Hi ramdang mipa lawng hi maw a ra kho?” tiah a ti.

JOSHUA 7:19

Khi tikah Joshua nih Akhan sinah cun, “Ka fapa, Bawipa Israel Pathian sinah sunparnak pe law, amah cu thangṭhat tuah; na tuahmi kha ka chim tuah; ka sinin thup hlah,” tiah a ti.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

BIAPHUAN 14:7

Aw thang piin, “Pathian kha ṭih u law a lianhngannak kha thangṭhat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti.

BIAPHUAN 16:9

Ni lin nih cun mi kha a kangh hna i hi hremnak cung i nawl a ngeitu Pathian min kha an thang chiat. Asinain an sualnak kha an mertak duh lo i Pathian lianhngannak kha an thangṭhat duh lo.