MALAKHI 2:15 - Lai (Hakha) Common Language Bible 2006

¹⁵ Pathian nih nangmah cu amah he pum khat le thlarau khat in an ser lo maw? Cu bantukin a tuahmi ah cun aa tinhmi zeidah a si? Aa tinhmi cu Pathian a ṭihzahmi fale ngeih kha a si. Cucaah ahohmanh nih nan nupile kha zumhawktlak loin nan umtak hna lai lo.

MALAKHI 2:15 ပူးပေါင်းရင်းမြစ်များ

GENESIS 1:27

Cuticun Pathian nih minung cu amah mui lo in a ser, minung cu Pathian mui in a ser hna. Mipa le minu kha a ser hna.

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

GENESIS 24:44

cu i anih nih, ‘Ding hen, cun na kalauk hna zong kha ti ka dinh hna lai,’ a ti ahcun, cu ngaknu cu Bawipa nih ka bawipa fapa nupi ca i a thimmi si seh, ka ti.

GENESIS 27:46

Rebekah nih Isak cu a thawh i, “Esau nih a ṭhit mi hna ramdangmi a nupile nih hin an ka nor tuk hringhran. Jakob zong nih Hit mi hi a ṭhit ve sual ahcun, ka caah thih hmanh a ṭha deuh,” a ti.

GENESIS 6:2

Cu fanu hna an i dawh cu pathian fapa hna nih khan an hmuh hna i cucaah an duhmi kha an i thim hna i an ṭhit hna.

EZRA 9:4

Cun salchuak pawl zumhtlak loin an um ruang i Israel Pathian bia ah a thermi hna cu, zanlei raithawinak tiang khuaruahhar in ka ṭhut ko lioah khan ka sinah an rak i pum.

NEHEMIAH 13:24

an fale hnarcheu nih Ashdod holh khan an holh i Judah holh khan an holh kho lo, miphun dang hna holh lawng khan an holh kho.

JOB 27:3

Ka thaw cu ka chungah a um i Pathian thaw kha ka hnar chungah a um chung paoh ah cun,

EXODUS 20:14

“Va cung pa duh siseh, nupi cung nu duh siseh, nan tuah lai lo.

PHUNGTHLÛKBIA 2:17

A no lio caan a hawikom kha a hlawt i a Pathian biakamnak a philhmi sin khan an khamh lai.

PHUNGTHLÛKBIA 4:23

Na lung kha ṭha tein veng tuah, Zeicahtiah cuka cun nunnak cerhti kha a put.

PHUNGTHLÛKBIA 6:25

Aa dawhnak cu na lung chungin duh hlah, a mithmul nih nangmah cu in hreng hlah seh;

PHUNGTHLÛKBIA 7:25

Minu lam lei kha nan lung nih hoih hlah seh, A lam chungah khan va tlau sual hlah u;

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

JEREMIAH 2:21

Nangmah cu mitsur ruang ṭha bikcem in kan phun, Ci ṭha in lakmi na si. A si kun ahcun, zeitindah na rawh i ramlak mitsur ruang ah na can kun?

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

LEVITIKAS 20:10

“Mipa pakhatkhat nih a innpa nupi he an sual ahcun, nu he pa he an pahnih in thah an si lai.

MALAKHI 2:14

Zeicahdah hitihin a si, tiah nan ti. Zeicahdah a si, ti ahcun, Bawipa cu nangmah le na tlanval lio na nupi karlak ah biahngaltu a si. Na nupi cu biakamnak in na hawikom le na nupi a rak si nain a cungah zumhawktlak loin nan um.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

JOHAN 20:22

Cu bia cu a chim dih in a thaw a chuahhnawh hna i, “Thiang Thlarau kha hmu ko u.

LAMKALTU 3:25

Pathian nih a profet hna sinin biakamnak a sermi cu nanmah caah a si i nan pupa hna sinah Pathian nih biakamnak a sermi chung i aa telmi cu nan si. Kha biakamnak a ser tikah khan Abraham sinah cun a thawh i, ‘Nangmah na tefa hna thawngin vawleicung mi vialte cu thluachuahnak ka pek hna lai,’ tiah a rak ti.

1 KORIN 7:14

Zeicahtiah a zummi a si lomipa cu a nupi he an i pehtlaihnak thawng khan Pathian cohlan awk tlak ah a cang i zumtu a si lomi nu cu a va Khrihfa a simi he an i pehtlaihnak thawngin Pathian cohlan awk tlak ah a cang. Hitihin rak si hlah seh law an fale cu lawkih fale bantuk an rak si hnga; asinain atu cu Pathian cohlan awk tlakmi an si.

1 KORIN 7:2

Sihmanhsehlaw sualpalhnak a tam tuk hringhran caah hin, pa nih mah nupite i ngeih seh law nu nih mah vate i ngeih seh.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

DEUTERONOMI 7:4

Zeitintiah nan fapale hi pathian dang biak awkah keimah zulhnak hin an pialter sual hna lai; cu tikah Bawipa thinhunnak cu nan cungah a alh lai i khulrang in an hrawh ko hna lai.

TITAS 1:6

Cu hna cu: Khrihfa upa cu mawhchiat awk a um lomi an si lai, nupi pakhat lawng a ngeimi an si lai, an fale kha a zumtu a simi an si lai i puarhran lei le nawlngaih lo leiah minthang lomi an si lai, ti kha an si.

RUTH 4:12

cun Bawipa nih hi ngaknu sinin an pek laimi tefa hna thawngin, na innchungkhar cu Tamar nih Judah a hrinpiakmi Perez innchungkhar bantuk kha si ko seh,” an ti.

1 SAMUEL 2:20

Cun Eli nih Elkanah le a nupi cu thluachuah a pek hna i, “Bawipa sin i a hlanhmi thawng hin, hi minu hin Bawipa nih fa in pe hna seh,” tiah a ti; cun annih cu an inn leiah an tlung ṭhan.