MALAKHI 2:12 - Lai (Hakha) Common Language Bible 2006

¹² Hi thil a tuahmi hna paoh cu, umhmun khuar in khua a sami an si ah, a vak a vai lengmangmi an si ah, Ralkapbu Bawipa sinah pekchanhnak kha rak pu hna hmanh seh law, Bawipa nih Jakob umnak hmun in a ṭhawl hna lai.

MALAKHI 2:12 ပူးပေါင်းရင်းမြစ်များ

1 CHANRELNAK 25:8

Cun annih nih a hme a ngan in, cawnpiaktu he cawnpiakmi he, aa khat rep in, an rian caah khan camcawhfung an zuh cio.

ISAIAH 61:8

Bawipa nih, “Dinnak kha ka duh i hremnak le thil ṭhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

EZEKIEL 14:10

Profet he, bia a haltu he, an pahnih te cun an sual, cucaah dantat an si veve lai.

EZEKIEL 24:21

Israel mi cu va chim hna law hihi Bawipa bia a si: Nan i bochanmi nan Biakinn ṭhawnnak cu nan i porhlaw. Nannih nih zoh nan duh ngaingai i a chung i va len kha nan duh; sihmanhsehlaw Bawipa nih a thurter lai. Cun nan fale hna Jerusalem i a tangmi hna kha, ral ah an thi lai.

HOSEA 9:12

Annih nih fa an ngeih hmanh ah ka lakpiak hna lai i pakhat hmanh ka nganh hna lai lo. Hi mi hi ka kaltak tik hna ah an cungah thil ṭhalo ngaingai a tlung lai.

LEVITIKAS 18:29

Zeitintiah hi thil fihnung hna a zeipaoh hi a tuahtu paoh cu, cu a tuahtu hna paoh cu, an mi sinin hlonh an si lai.

LEVITIKAS 20:3

Cu pa cu ka hmai ka chiathnawh lai i a mi hna lakin ka hlonh lai, a fa pakhat cu ka hmunthiang thurhnawmhter awk le ka min thiang thurhnawmh awkah Molek kha a pek caah, ka hlonh hna lai.

AMOS 5:22

Nannih nih nan raithawinak hna le nan thawhlawm hna kha nan ka pek tikah ka cohlang hna lai lo, Raithawinak ca i nan hmanmi saṭil hna zong kha ka cohlang duh hna lai lo.

ZEKHARIAH 12:7

David tefa sunparnak le Jerusalem khua chung ummi hna sunparnak nih khan Judah sunparnak cu a lonh nakhnga lo, Bawipa nih Judah chungkhar hna kha a luatter hmasa bik hna lai.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MALAKHI 1:13

Nan hnimh i, ‘A kan nor’ nan ti, tiah ralkapbu Bawipa nih a ti. Nannih nih nan pekchanh awk saṭil caah khan a ke a bulmi hna, a beimi hna, zawtnak a ngeimi hna, nan rak put i cucu kan cohlang hna hnga maw, tiah Bawipa nih a ti.

MALAKHI 2:10

Kan dihlak in pa pakhat fa kan si lo maw? Pathian pakhat sermi kan si lo maw? Zeicahdah pakhat le pakhat cung i zumhawktlak lo i kan umnak thawngin kan pupa hna sin i biakamnak cu kan hrawh?

NAMBAR 24:5

Maw Jakob, zeitluk in dah na thlam cu an i dawh, Maw Israel, zeitluk in dah na riahhmun hna cu an i dawh!

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

1 SAMUEL 3:14

Cucaah Eli innchungkhar hna cu raithawinak in siseh, pekchanhnak in siseh, sualthianhpiak khawh, zungzal in an si lai lo, tiah Eli innchungkhar hna sinah cun chiat ka ser cang,” tiah a ti.