MALAKHI 1:7 - Lai (Hakha) Common Language Bible 2006

⁷ Nannih nih nan i thawh i, “Zeitindah na min cu zeirello in kan um?” nan ti. Zeirello i nan um cu ka biakṭheng cung i a thurhnawmmi rawl nan ka pekchanh hi a si. Nannih nih nan i thawh i, “Zeitindah kan in thurhnawmh,” nan ti. Nan ka thurhhnawmhnak cu hitihin a si: Nan i thawh i, Bawipa cabuai cu zohhnawmh si ko seh,

MALAKHI 1:7 ပူးပေါင်းရင်းမြစ်များ

EZEKIEL 41:22

Hmun Thiang Bik hmaiah cun thing biakṭheng a lomi kha a um, a saulei cu dong hnih a si, a sanlei cu dong thum a si; a kil ah khan tung an bunh hna i a hram le a sir cu thing an si. Mah hihi Bawipa hmai i a ummi cabuai a si, tiah a ka chimh.

EZEKIEL 44:16

Ka rian ṭuan awkah le ka fialmi hna tuah awkah ka hmunthiang chungah a lut i ka cabuai a naihmi cu anmah an si lai.

LEVITIKAS 2:11

“Bawipa sinah nan rak putmi changvut thawinak paohpaoh cu thilnu telh in sermi a si lai lo; zeitintiah thilnu siseh khuaihliti siseh Bawipa sinah mei in thawinak caah nan khang lai lo.

LEVITIKAS 21:6

An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai.

LEVITIKAS 21:8

Amah cu na thianter lai, zeitintiah nan Pathian changreu cu a pechantu a si; nan caah mithianghlim a si lai; zeicahtiah nannih an thiantertu hna Bawipa keimah cu ka thiang.

LEVITIKAS 3:11

Cun tlangbawi nih biakṭheng cungah cun Bawipa sinah mei in pekmi rawl ah a khangh lai.

MALAKHI 1:12

Sihmanhsehlaw nannih nih cun Bawipa cabuai cu thurhhnawmh khawh a si ko, kanmah i zei i kan rel lomi rawl cu a cungah hun khawh a si ko, ti i nan ruahnak thawng hin ka min cu nan thurhhnawmh.

MALAKHI 1:13

Nan hnimh i, ‘A kan nor’ nan ti, tiah ralkapbu Bawipa nih a ti. Nannih nih nan pekchanh awk saṭil caah khan a ke a bulmi hna, a beimi hna, zawtnak a ngeimi hna, nan rak put i cucu kan cohlang hna hnga maw, tiah Bawipa nih a ti.

MALAKHI 1:8

a mit a cawmi saṭil kha kan pekchanh ahcun zeihmanh a poi lai lo, a ke a beimi saṭil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai ṭha an pe hna hnga maw, tiah ralkapbu Bawipa nih a chim.

1 KORIN 10:21

Bawipa hrai le khuachia hrai cu nan din kep kho hna lai lo; Bawipa cabuai le khuachia cabuai zong nan hman kep kho hna lai lo.

DEUTERONOMI 15:21

Sihmanhsehlaw do a tlak lo ahcun, a bei ah siseh, a mit a cawt ah siseh, a fakmi dotlak lonak zeipaoh a ngeih ahcun Bawipa nan Pathian sinah nan thawi lai lo.