MALAKHI 1:4 - Lai (Hakha) Common Language Bible 2006

⁴ Edom nih, “Kannih cu kan rawk cang, a rawkmi kan inn cu sa ṭhan hna u sih,” tiah a ti tikah, Bawipa bia cu hihi an si: “An sak ṭhan hna ahcun ka ṭheh ṭhan hna lai. Annih cu ṭhat lonak a tamnak ram, Bawipa nih zungzal in chiat a serhmi miphun,” ti an si lai.

MALAKHI 1:4 ပူးပေါင်းရင်းမြစ်များ

JOB 12:14

Pathian nih a ṭheh ahcun, ahohmanh nih an sa ṭhan kho ti lo, Amah nih mi cu a kharkhumh ahcun, ahohmanh nih an hunpiak ṭhan kho ti lo.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

SALM 137:7

Jerusalem an tlaih ni ah, Edom mi nih an tuahmi kha philh hlah, Maw Bawipa, “Hrawk dih cikcek u law a hram tiangin kalh dih u,” an ti kha philh hin hlah.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 11:14

Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.

ISAIAH 34:10

Chunzan in a kang lengmang ko lai i a meikhu cu a kai thluangthluan ko lai. Ram cu cu ti cun chan khat hnu chan khat hman awk ṭha ti loin a um lai i ahohmanh nih a pal zong an pal ti lai lo.

ISAIAH 34:5

Van ah khin Bawipa nih a nam cu a timh cang i hrawh awkah a ruah cangmi Edom kha atu cu a tuk lai.

JEREMIAH 31:17

Na hnu i a rung um dingah tefa na thlautak hna lai; Na fale hna cu anmahle an ram te ah khan an kir ṭhan lai.

JEREMIAH 49:20

Cucaah Edom cungah Bawipa nih khua a khan mi le Teman khuami hna cung i aa tinhmi hi thei tuah hna u: Tuurun chung i a no tete hna cu kalpi an si lai i an tlonnak hmun cu an cung i thil a tlungmi ruangah cun khuaruahhar in a um lai.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

JEREMIAH 49:8

Dedan khuami hna cu an i mer i an zam i lamhlapi ah an i thup; Zeicahtiah Esau tefa hna cu ka hrawh cang hna lai, An cung i dantatnak ka tlunter caan kha a phan cang.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?

EZEKIEL 11:10

Israel ramri ah bia kan ceih hna tikah nannih zong vainam in nan thi lai; cuticun Bawipa ka si kha nan hngalh lai.

EZEKIEL 25:13

cucaah Edom cungah cun ka kut ka samh lai i a chung i a ummi minung si hna seh, saram si hna seh, ka hrawh hna lai, tiah Bawipa nih a ti; cu ram cu Teman in Dedan tiang ka hrawh cikcek lai i vainam in thah an si lai.

EZEKIEL 25:14

Edom cung i phuhlamnak cu ka mi Israel mi hna thawngin ka tuah lai. Ka thinhunnak le ka thinlinhnak nih a fial hna bantukin Edom cungah cun an tuah lai, tiah Bawipa Pathian nih a ti.

EZEKIEL 26:14

A tleu in a tleumi lungpi ah kan ser lai, Ngatlai hna nih an sur an phonak hmun ah kan ser lai, Zeitikhmanh ah sak ṭhan na si ti lai lo. Hi bia cu Bawipa nih ka chim cang. Hihi Bawipa Pathian bia hrimhrim a si, a ti.

EZEKIEL 35:4

Na khua cu ka hrawh dih hna lai i nangmah cu ṭiaotakmi na si lai; Cuticun Bawipa ka si kha na hngalh lai.

EZEKIEL 35:9

Nangmah cu ṭiaotakmi ram ah a zungzal in kan ser lai i Na khua chungah mi an um lai lo; Cuticun Bawipa ka si kha na hngalh lai, a ti.

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

AMOS 3:15

Khualum caan ca inn le khuasik caan ca inn kha ka hrawh veve hna lai; Vuiho inn kha an rawk lai i inn ngan pipi kha an cim dih lai. tiah Bawipa nih a ti.

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

AMOS 6:11

Zeicahtiah Bawipa nih nawlbia a chuah lai i Cu nawlbia a chuahmi thawng cun inn ngan cu a cim dih lai i inn hme cu a pelpawi ah an i chuah lai.

AMOS 6:2

Kalneh ah cun va kal u law va zoh tuah u, Hamath Ngan ah cun hei lan u law Filistin mi hna khua Gath ah cun vung kal tuah u. Hi ram hna nak hin nan ṭhawng deuh maw? Nan ram tah an ram nakin a ngan deuh maw?

OBADIAH 1:1

Obadiah nih a chimmi bia: Mah hihi Bawipa Pathian nih Edom kong ah a chimmi bia a si. Bawipa nih miphun hna sinah lamkal a thlah i, “I hlau tuah u; Edom doh awkah i hlau tuah u sih,” tiah lamkaltu nih cun a ti tikah, Hi bia hi Bawipa sin khan ka theih.

OBADIAH 1:10

“Nangmah nih na unau a simi Jakob tefa hna kha na ramh hna i na thah hna caah Nangmah cu zungzal in hrawh le ningzahnak pek na si lai.

MALAKHI 1:3

Esau cu Jakob unau a si lo maw? tiah Bawipa nih a ti. Jakob cu ka dawt, sihmanhsehlaw Esau cu ka huat, a tlang ram hna cu pakpalawng ah ka ser hna i a hringsortu inn cu ramlak cenghngia tlonnak ah ka canter, a ti.

MATTHAI 12:30

“Keimah a ka ṭanh lomi cu a ka ralmi an si; pumhkhawmh a ka bawm lomi cu ṭhektu an si.