MALAKHI 1:3 - Lai (Hakha) Common Language Bible 2006

³ Esau cu Jakob unau a si lo maw? tiah Bawipa nih a ti. Jakob cu ka dawt, sihmanhsehlaw Esau cu ka huat, a tlang ram hna cu pakpalawng ah ka ser hna i a hringsortu inn cu ramlak cenghngia tlonnak ah ka canter, a ti.

MALAKHI 1:3 ပူးပေါင်းရင်းမြစ်များ

GENESIS 25:23

Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

ISAIAH 35:7

a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

JEREMIAH 49:10

Sihmanhsehlaw Esau cu a takfangkarao in ka chiah, Aa thuhnak hmun kha ka hun hna i thuhnak hmun khuazeihmanh ah a ngei ti lo. A fale hna le a unau hna le a innpa hna kha hrawh an si i Amah bawmtu ahohmanh an um ti lo.

JEREMIAH 49:20

Cucaah Edom cungah Bawipa nih khua a khan mi le Teman khuami hna cung i aa tinhmi hi thei tuah hna u: Tuurun chung i a no tete hna cu kalpi an si lai i an tlonnak hmun cu an cung i thil a tlungmi ruangah cun khuaruahhar in a um lai.

JEREMIAH 49:33

Hazor cu cenghngia tlonnak hmun ah ka ser lai i zungzal in a rawk ko lai; Khika ah ahohmanh an um lai lo i ahohmanh nih innlo an khuar lai lo, tiah Bawipa nih a ti.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

JEREMIAH 49:8

Dedan khuami hna cu an i mer i an zam i lamhlapi ah an i thup; Zeicahtiah Esau tefa hna cu ka hrawh cang hna lai, An cung i dantatnak ka tlunter caan kha a phan cang.

JEREMIAH 51:37

Cun Babilon cu a rawkmi thil pon, Cenghngia tlonnak hmun, tuksapur le cekcekhnawhmi hmun, A chung i mi a um lomi hmun ah a cang lai.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ṬAHNAK HLA 4:22

Zion fanu, na sualnak ruang i dantatnak cu a tling cang; Saltannak chungah kalpi na si ṭhan bal ti lai lo. Sihmanhsehlaw Edom fanu, nang cu, na sualnak kha dantat a si lai i na ṭhat lonak kha langhter a si lai.

EZEKIEL 36:7

Cucaah nan velchum i a ummi miphun hna cu annih nih an in nihsawh hna ruangah khan dantat an si lai, tiah kut hler in chiat ka ser cang.

EZEKIEL 36:9

Zohhmanh u, atu cu nanmah caah ka si cang, nanmah leiah khan kaa mer lai i nannih cu thlawh nan si lai i thlaici tuh nan si lai. Nan cungah minung tampi, Israel chungkhar hna kha an ningpi in ka phun hna lai.

JOEL 3:19

Sihmanhsehlaw Izipt ram cu thetse ram ah a cang lai i Edom ram cu chuahtakmi ram, ram pakpalawng ah a cang lai; Zeicahtiah Judah ram kha hranhram loin an rak tuk i A chungah a sual lomi thisen kha an rak chuah hna.

OBADIAH 1:10

“Nangmah nih na unau a simi Jakob tefa hna kha na ramh hna i na thah hna caah Nangmah cu zungzal in hrawh le ningzahnak pek na si lai.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.