MALAKHI 1:10 - Lai (Hakha) Common Language Bible 2006

¹⁰ Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MALAKHI 1:10 ပူးပေါင်းရင်းမြစ်များ

2 SIANGPAHRANG 12:6

Sihmanhsehlaw Joash siangpahrang a bawi kum kul le kum thumnak tiangah tlangbawi nih inn kha khuazeihmanh an remh rih lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

JEREMIAH 14:10

Bawipa nih hi mi hna kong ah hi bangin a chim: Annih hi ka lam in tlau a duhmi an si i an duhnak paoh ah an vak. Cucaah an cungah lawmhnak a ngei ti lo; an ṭhat lonak kha a philh lo i an sualnak kha dan a tat hna.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

JEREMIAH 8:10

Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

HOSEA 5:6

Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MALAKHI 1:13

Nan hnimh i, ‘A kan nor’ nan ti, tiah ralkapbu Bawipa nih a ti. Nannih nih nan pekchanh awk saṭil caah khan a ke a bulmi hna, a beimi hna, zawtnak a ngeimi hna, nan rak put i cucu kan cohlang hna hnga maw, tiah Bawipa nih a ti.

MALAKHI 2:12

Hi thil a tuahmi hna paoh cu, umhmun khuar in khua a sami an si ah, a vak a vai lengmangmi an si ah, Ralkapbu Bawipa sinah pekchanhnak kha rak pu hna hmanh seh law, Bawipa nih Jakob umnak hmun in a ṭhawl hna lai.

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

JOHAN 10:12

Man phalh in hlan chommi kha cu, tuukhal a si lo ca le tuu kha a ta an si lo caah, cenghngia a rat kha a hmuh tikah a zam i tuu kha a lektak hna. Cu tikah cenghngia nih cun tuu cu a seh hna i a ṭhek dih hna.

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.

FILIPI 2:21

Midang cu anmah rian lawng kha an ruat cio i Jesuh Khrih kong kha an ruat lo.

HEBRU 10:38

Ka miding mi hna nih cun an zumh lai i an nung lai; Sihmanhsehlaw ahohmanh aa letmi cu an cungah ka lung aa lawm lai lo,” tiah a ti bang khan a si lai.

1 PETER 5:2

Pathian nih an pekmi hna tuurun a khaltu kha si u law Pathian nih zohkhenh hna seh ti an duh hna bantukin lungtho lo si loin lungtho tein zohkhenh hna u. Ṭuan man hmuh ding men ah si loin ṭuan nan duh taktak ruang tu ah nan rian kha ṭuan u.