LUKA 9:39 - Lai (Hakha) Common Language Bible 2006

³⁹ Thlarau nih a luhhnawh ciammam tawn i a au a khuang i a ther thluahmah i a buanbara zong a tawh dih tawn; atu le atu cuticun a tuah i a kal in a kaltak duh lo.

Laibaibal Thiang (BSI)

³⁹ Ngaihmanh, thlarau nih a tlaih tawn i hmakhat te ah a ai tawn, a cilphuan kha tla lakin a therthluahmah i duk cercur in a um hnu ceu ah a kaltâk tawn.

LUKA 9:39 ပူးပေါင်းရင်းမြစ်များ

MARKA 9:18

Khuavang nih a chuahhnawh fate vawlei ah khan a thluk i a buanbara a tawh i a hacang aa rial i a ṭhom dih. Na zultu kha khuavang ṭhawl cu ka fial hna nain an ṭhawl kho lo,” tiah a ti.

MARKA 9:20

Cun a sinah cun an ratpi. Khuachia nih khan Jesuh kha a hmuh cangka in ngakchiapa cu mah hngal loin a tuah i vawlei ah a hrilh i heh tiah aa let len i a buanbara zong a tawh dih.

MARKA 9:26

Khuavang nih cun ngakchiapa cu mah hngal loin a vun tuahtak i cun a chuak. Ngakchiapa cu miruak bantuk a si ko, cucaah aho paoh nih, “A thi,” an ti.

LUKA 4:35

Jesuh nih thlarau cu, “Dai tein um law, mipa chung khan chuak,” tiah a ti. Khuachia nih cun mipa cu an dihlak hmaika ah khan a thluk i a cungah zeihmanh ṭhat lonak tuah loin a kaltak.

LUKA 8:29

Jesuh nih thlarau ṭhalo kha a chungin chuak tiah nawl a pek caah hitihin a tinak cu a si. Thlarau ṭhalo nih khan voi tampi a tlaih tawn i kan tuahhmawh sual lai kaw tiah a kut le a ke kha thir cikcin in an ṭem tawn nain cikcin cu a chah dih hna i ramlak ah cun khuachia nih cun a lohpi tawn.

LUKA 9:38

Mizapi lak cun mipa pakhat a hung au i, “Saya, ka fapa hi ka zohpiak hmanh, amah lawnglawng hi fa ka ngeihmi a si.

LUKA 9:40

Na zultu hna kha, hung ka ṭhawlpiak ko sawh u, tiah ka nawl hna i sihmanhsehlaw an ṭhawl kho fawn lo,” tiah a ti.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

BIAPHUAN 9:11

An uktu ah siangpahrang pakhat an ngei i dongh hngal lo khor a uktu vancungmi kha a si. A min cu Hebru holh in Abaddon ti a si; Grik holh cun Apollyon ti a si i a sullam cu “Hrawktu” tinak a si.