LUKA 9:19 - Lai (Hakha) Common Language Bible 2006

¹⁹ “A cheu nih Tipilpetu Johan a si, an in ti. Cun a dang nih, Elijah a si, an in ti. Cun a dang nih hlanlio i a rak ummi profet pakhatkhat kha a nung ṭhan, an in ti,” tiah an ti.

Laibaibal Thiang (BSI)

¹⁹ Annih nih, “Baptisma petu Johan a si, an in ti, a cheu nih Elijah a si, an in ti, a cheu nih hlan lio profet pakhat khat a tho`hânmi a si, tiah an leh.

LUKA 9:19 ပူးပေါင်းရင်းမြစ်များ

MALAKHI 4:5

A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai.

MATTHAI 14:2

A bawi pawl kha a thawh hna i, “Amah hi tipil petu Johan kha a si hrimhrim ko lai: thihnak in a tho ṭhan i a si lai. Cucaah cun khuaruahhar tuah khawhnak ṭhawnnak a ngeih hi a si lai,” tiah a ti.

MATTHAI 3:1

Cu caan ah cun Tipil petu Johan kha a hung chuak i Judea ram ramcar chungah khan phung a chim.

MARKA 6:14

Jesuh thawngpang cu khuazakip ah a than caah Siangpahrang Herod zong nih cu kong cu a rak theih ve. Mi a cheu nih an i thawh i, “Tipil petu Johan kha a nung ṭhan. Cucaah cun pei hi ṭhawnnak a ngeih hi a si cu,” an ti.

MARKA 6:15

Sihmanhsehlaw a cheu nih cun, “Elijah a si,” an ti. Cun a cheu nih cun, “Hlanlio profet ngan pakhatkhat hna bantuk khan profet a si ve ko,” an ti.

LUKA 9:18

Voi khat cu Jesuh kha amah lawng tein thla a cam lioah a zultu hna kha a sinah an ra i, “Mi nih aho a si an ka ti dah?” tiah a hal hna.

LUKA 9:20

Cun annih cu a thawh hna i, “Nannih tah zeitin? Nannih nih tah aho a si nan ka ti dah?” tiah a hal hna. Peter nih a vun leh i, “Nangmah cu Pathian Messiah na si,” tiah a ti.

JOHAN 1:21

Cun annih nih cun, “Ahodah na si kun? Elijah tah na si maw?” tiah an hal. Johan nih cun, “Ka si lo,” tiah a leh hna. Annih nih, “Profet cu tah na si maw?” an ti. Anih nih, “Ka si lo,” tiah a ti hna.

JOHAN 1:25

“Nangmah cu Messiah zong na si lo, Elijah zong na si lo, profet zong cu na si fawn ṭung lo ahcun, zeicahdah tipilnak kha na pek len kun hna?” an ti.

JOHAN 7:40

Cu bia cu an theih tikah mi a cheu nih, “Hi pa hi Profet kha a si hrimhrim ko,” an ti.

JOHAN 9:17

Cucaah Farasi mi hna nih khan mipa cu an hal ṭhan i, “Na mit an damter va si kaw, zeitindah amah cu na ruah?” an ti. “Amah cu profet a si, tiah ka ruah,” tiah a leh hna.