LUKA 9:16 - Lai (Hakha) Common Language Bible 2006

¹⁶ Jesuh nih changreu hlum nga le nga pahnih cu a lak hna i van lei a zoh i Pathian kha a lawmh hnuah a cheu hna i mizapi phawt awkah khan a zultu kha a pek hna.

Laibaibal Thiang (BSI)

¹⁶ Cuhnuah changreu panga le nga pahnih kha a lâk i vanlei zoh in thluachuah a pêk, a cheu i mizapi sinah phawt dingin lamkaltu sinah a pêk.

LUKA 9:16 ပူးပေါင်းရင်းမြစ်များ

MATTHAI 14:19

Mi cu ram cungah khan a ṭhutter hna i changreu hlum nga le nga pahnih cu aa lak i van a cau i Pathian kha a thangṭhat. Changreu kha a cheu hna i a zultu kha a pek hna i a zultu hna nih khan mizapi cu an phawt hna.

MATTHAI 15:36

Cun changreu hlum sarih le nga kha aa lak hna i Pathian sinah thla a cam i a cheu hna i a zultu kha a pek hna i a zultu nih mizapi kha an pek hna.

MARKA 7:34

Cun Jesuh cu van a cau i fak piin a hrum i mipa cu, “Effatha,” tiah a ti, a sullam cu, “I hung tuah,” tinak a si.

LUKA 22:19

Cun chang kha a lak i Pathian sinah lawmhnak bia a chim hnuah a cheu i annih cu a pek hna i, “Hihi ka pum a si, nan ca i ka pekmi cu. Keimah philh lonak ah run tuah u,” tiah a ti.

LUKA 24:30

Anmah sinah cabuai ah khan a ṭhu i changreu kha aa lak i thla a cam i changreu cu a beuh i a phawt hna.

LUKA 9:15

Cu bantuk cun a zultu hna nih cun an tuah i an dihlak in an ṭhutter hna.

LUKA 9:17

An dihlak in an ei i an khim dih; an nganhmi cu a zultu hna nih khan an khawmh hna i bawm hleihnih khat a si.

JOHAN 6:11

Jesuh nih cun changreu cu aa lak i Pathian sinah lawmhnak bia a chim i cuka i a ṭhumi cu a phawt hna. Cu bantuk ṭhiamṭhiam in nga zong cu a tuah hna i an dihlak in khim tein an ei.

JOHAN 6:23

Cun Tiberias khua in a rami lawng a dang kha, Bawipa nih Pathian sinah lawmhnak bia a chim hnuah mizapi nih changreu an einak hmun ah khan an hung i din.

LAMKALTU 27:35

Hi bia a chim dih in Paul nih cun rawl kha aa lak i an hmaika ah cun Pathian sinah thla a cam hnuah a ei.

ROM 14:6

Ni pakhat cu sung khun in a ruatmi nih khan cu ti i a ruah cu Bawipa upatnak in a ruah caah a si; zeipaoh a eimi nih khan cu ti i a ei cu Bawipa upatnak in a si ve ko, zeicahtiah a eimi rawl caah khan Pathian pei a lawmh cu.

1 KORIN 10:30

Ka eimi ka rawl ca i Pathian cu ka thangṭhat ahcun zeicahdah thla ka cam nenhmi rawl kongah cun mi nih an ka soi khawh lai?” nan ti.

1 KORIN 11:24

Pathian sinah thla a cam hnuah a cheu i, “Hihi ka pum a si, nanmah caah a si. Keimah philh lonak ah tuah u,” a ti.

1 SAMUEL 9:13

Nannih nih khua chungah nan va luh ka tein, khuahrum bo i rawl ei awk i a kal hlanah khan, nan va hmuh ko lai; amah nih raithawinak cu thluachuahnak a pek awk a si caah amah a rat hlanah cun mi nih khan an rak ei lai lo; cu hnuah cun sawmmi hna nih khan an ei lai. Cucaah cun hung kal u law, nan hung ton colh ko lai,” tiah an ti.