LUKA 9:1 - Lai (Hakha) Common Language Bible 2006

¹ Jesuh nih pahleihnih hna kha hmunkhat ah a auh hna i khuachia ṭhawl khawhnak le zawtnak damter khawhnak ṭhawnnak le nawlngeihnak kha a pek hna.

Laibaibal Thiang (BSI)

¹ Cuhnuah a lamkaltu hleihnih kha a kawh hna i khuachia vialte cung i nawlngeihnâk le ṭhawnnâk le mizaw damter khawhnâk a pek hna i

LUKA 9:1 ပူးပေါင်းရင်းမြစ်များ

MATTHAI 16:19

Vancung Pennak hunnak tawhfung cu kan pek lai i vawlei cung i na hrenhmi cu vancung zongah hrenh a si lai i vawlei cung i na awnhmi cu vancung zongah awnh a si lai,” tiah a ti.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MATTHAI 8:9

Kei zong ka cunglei bawi nawl tang i a ummi ka si i ka tang zongah ralkap an um ve. Pakhat cu, ‘Kal,’ ka ti i a kal ve ko, cun a dang pakhat cu, ‘Ra,’ ka ti i a ra ve ko; cun ka sal cu, ‘Hihi tuah,’ ka ti i a tuah ve ko,” tiah a leh.

LUKA 10:1

Cu hnuah cun Bawipa nih a dang sawm sarih le pahnih kha a thim hna i amah a kalnak ding khua le hmun paoh ah khan a hmaiah pahnih pahnih in a thlah hna.

LUKA 10:19

Ngai hmanh u: rul le tlangngaikuang hmanh lamh khawhnak ṭhawnnak le nan Ral ṭhawnnak tei khawhnak kan pek hna caah zeihmanh nih an ti kho hna lai lo;

JOHAN 14:12

Biatak kan chimh hna: Keimah a ka zummi paoh nih ka tuahmi thil hi an tuah khawh ve lai — hi hna nakin a ngan deuhmi hmanh an tuah khawh hna lai, zeicah ti ahcun, ka Pa sinah ka kal lai caah a si.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 3:16

Hi kebeipa thazang a petu hi amah min ṭhawnnak cu a si i atu i nan hmuhmi le nan hngalhmi hi amah min zumhnak thawngin tuahmi a si; hi bantukin nan hmaika ah a damtertu hi Jesuh min zumh hi a si.

LAMKALTU 4:30

Mi nih damnak an hmuh nakhnga na kut cu samh law a thiangmi na Sal Jesuh min in khuaruahharnak le hmelchunhnak cu umter ko hna,” tiah an ti.

LAMKALTU 9:34

Peter nih cun a thawh i, “Ainias, Jesuh Khrih nih an damter cang. Tho law na ihphah kha zual,” tiah a ti. Chikkhatte ah khin Ainias cu a tho.