LUKA 8:8 - Lai (Hakha) Common Language Bible 2006

⁸ Cun thlaici a cheu cu vawlei ṭha ah an tla; an hung ṭhang i theifang let za khat cio an vui,” tiah a ti. Hi bia a chim ah hin, “Theihnak hna nan ngeih ahcun thei ko u,” tiah a auhnawh hna.

Laibaibal Thiang (BSI)

⁸ Asinain cheukhat cu leiṭha ah a tla, a ṭhang i a let zakhat in thei a tlai,” tiah a ti. Cu bia a chim lio ah a au i, “Theihnâk dingah hna a ngeimi pauh nih thei ko seh,” tiah a ti.

LUKA 8:8 ပူးပေါင်းရင်းမြစ်များ

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

PHUNGTHLÛKBIA 20:12

Theihnak hna hna le hmuhnak mit hna hi Bawipa sermi an si dih.

PHUNGTHLÛKBIA 8:1

Fimnak cu a au i hngalhthiamnak nih a kui kha ngai tuah.

JEREMIAH 13:15

Ngai u law nan hna chi tuah u, nan lung puam hlah u, Zeicahtiah bia a chimtu hi Bawipa a si.

JEREMIAH 25:4

Bawipa nih thlah lo tein a sal hna a profet hna kha nan sinah a rak thlah lengmang ko hna nain, nannih nih a ngaih zong nan ngai lo, ngaih duhnak zong zeihmanh nan langhter lo.

MATTHAI 11:15

Cucaah hna nan ngeih ahcun, thei ko u!

MATTHAI 13:23

Cun vawlei ṭhatnak hmun i a tlami thlaici cu Vancung Pennak kong kha a thei i a sullam zong a hngalmi kha an si. Thei kha an tlai i a cheu cu a let za khat in, a cheu cu a let sawm ruk in, a cheu cu a let sawm thum in an karh,” tiah a ti.

MARKA 4:20

Sihmanhsehlaw mi a cheu cu vawlei ṭha i a tlami thlaici bantuk an si. Pathian bia kha an theih i an cohlan i thei an tlai: a cheu cu a let sawm thum in, a cheu cu a let sawm ruk in, a cheu cu a let za khat in,” tiah a ti.

MARKA 4:23

Cucaah theihnak hna nan ngeih ahcun thei ko u,” tiah a ti.

MARKA 4:8

Asinain thlaici a cheu cu vawlei ṭhatnak ah an tla, an hung keu, an hung ṭhang i theipar an ngei: a cheu let sawm thum in an karh, a cheu let sawm ruk in an karh, a cheu let za khat in an karh,” tiah a ti

MARKA 7:16

Cucaah theihnak hna nan ngeih ahcun thei ko u,” tiah a ti hna.

LUKA 14:35

Vawlei ṭhatternak caah a ṭhahnem lo, ek pon ca zongah a ṭhahnem lo; a hlonh in hlonh awk lawnglawng a si ko. Cucaah hna nan ngeih ahcun, thei ko u!” tiah a ti hna.

LUKA 8:15

Vawlei ṭha ah a tlami thlaici cu bia kha lungtho tein a thei i an lung chungah ṭha tein aa cinken i a thei a tlai tiangin aa zuammi cu an si,” tiah a ti.

LUKA 8:7

Thlaici a cheu cu hling lakah an tla, hling he cun an kho ṭi i hling nih cun a thah hna.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

BIAPHUAN 13:9

“Cucaah cun theihnak hna nan ngeih ahcun thei ko u!

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 3:13

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.

BIAPHUAN 3:6

“Hna nan ngeih ahcun, Thlarau nih Khrihfabu hna sinah a chimmi cu ngai tuah u,” a ti.