LUKA 8:44 - Lai (Hakha) Common Language Bible 2006

⁴⁴ Zapi lak cun Jesuh hnulei khan a ra i a puan kite kha a hei tongh i chikkhatte ah a thi cu a pit.

Laibaibal Thiang (BSI)

⁴⁴ Cu nu nih a hnu leiin a puan ki a rak tongh i chikkhat te ah a thi chuak kha a dam cawlh.

LUKA 8:44 ပူးပေါင်းရင်းမြစ်များ

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

MATTHAI 20:34

Jesuh nih a zaangfah hna i an mit cu a tawnghpiak hna i hmakhatte ah khua an hmu kho. Cun amah cu an zulh.

MATTHAI 8:3

Jesuh nih a hei banh i a tongh i, “Ka duh. Thiang ko cang,” tiah a ti. Chikkhatte ah a zawtnak khan a thiang.

MATTHAI 9:20

Cu lioah cun, nu pakhat, thi chuah zawtnak in kum hleihnih tiang a zaw cangmi kha a hnulei in a ra i a puan parte kha a tongh.

MARKA 6:56

Cun Jesuh cu a kalnak kip ah khan, khuate ah siseh, khuapi ah siseh, lo ah siseh, mi nih an mizaw hna cu chawdawrnak hmun ah khan an rak chuahpi cio hna i, a zawmi hna nih hin na puanki tal in tawng hna seh, tiah an nawl; cun a tawngmi paoh cu an dam.

LUKA 13:13

A cungah khan a kut a chuan i cu cangka cun ding tein a dir kho i Pathian kha a thangṭhat.

LUKA 7:38

Jesuh hnulei ah cun a kehram ah khan a dir, a ṭap i a mitthli in a ke kha a cinter. Cun a ke i a mitthli cu a sam khan a hnawh i a hnamh hna i zihmui kha a toih hna.

LUKA 8:43

Cuka ah cun nu pakhat thichuah zawtnak in kum hleihnih a zaw cangmi a um i a ngeihmi vialte kha sibawi phalh awkah a hmang dih cang nain ahohmanh nih an damter kho lo.

LUKA 8:45

Jesuh nih cun aa thawh i, “Ahodah a ka tawng?” tiah a ti. Ahohmanh nih kan in tawng lo, tiah an ti; cun Peter nih aa thawh i, “Saya, mi nih cun pei a zual in an in zual i a but in an in buthnawh cu,” tiah a ti.

JOHAN 5:13

Sihmanhsehlaw damnak a hmu mipa nih khan aho a si kha a hngal lo, zeicah ti ahcun cuka ah cun mi tampi an i pum i Jesuh cu a rak i zuk diam cang.

LAMKALTU 19:12

A pavuah le a hngawngngerh hna hmanh kha mizaw sin i an hei kalpi hna tikah an zawtnak kha a dam i an chungin khuachia kha an chuak.

LAMKALTU 5:15

Lamkaltu hna rianṭuannak thawng cun, mizaw hna cu khuachung lam ah khan an chuahpi hna i Peter aa chawh tikah khan pakhat pahnih tal kha a thla nih tawng hna seh tiin ihkhun cung le pher cungah khan an chiah hna.

DEUTERONOMI 22:12

“Nan i khuhnak puan cu a tlang pali ah a hmum nan thlaih hna lai.