LUKA 8:42 - Lai (Hakha) Common Language Bible 2006

⁴² zeicahtiah fanu pakhat te lawng a ngeihmi, kum hleihnih a simi kha a cat lengmang. Jesuh cu a kal lioah khan mibu nih cun a zual in an zual.

Laibaibal Thiang (BSI)

⁴² Zeitintiah fanu ngeihchun kum hleihnih hrawngmi hi a ngei i thi hnikin in a um. Cuticun Jesuh cu a kal i lamah mizapi nih an hnawr leng mang.

LUKA 8:42 ပူးပေါင်းရင်းမြစ်များ

JOB 4:20

Zinglei le zanlei karlak ah an rawk dih; Ahohmanh i theihhngalh set loin an lo lan.

PHUNGCHIMTU 6:12

Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a ṭha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?

EZEKIEL 24:25

Cun Bawipa nih a ka thawh i, “Mipa, an i lawmhnak le an sunparnak a simi, zoh an duh ngaingaimi le len an duh ngaingaimi an biakinn kha an sinin ka ṭhial lai, an fapa hna le an fanu hna kha lam hlapi ah ka kalpi hna lai.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

MARKA 5:24

Cun Jesuh cu amah sinah cun a kal. A zultu cu an tam tuk caah a kenkiplo in an hnursuan len ko.

LUKA 7:12

Khua hauka a hei phak ah khin ruak vui awk i a kalmi mirun kha an hung chuak ve. A thimipa cu nuhmeinu fapa a si i amah lawngte cu a fa a si, mi tampi nih khuachung cun nuhmeinu cu an kalpi.

LUKA 8:41

Khi tikah mipa pakhat a min Jairu a simi kha a ra; amah cu cuka hrawng pumhnak inn i hruaitu pakhat a si. Jesuh ke hramah cun a bawk i ka inn ah ra ko sawh, tiah a nawl,

LUKA 8:43

Cuka ah cun nu pakhat thichuah zawtnak in kum hleihnih a zaw cangmi a um i a ngeihmi vialte kha sibawi phalh awkah a hmang dih cang nain ahohmanh nih an damter kho lo.

LUKA 8:45

Jesuh nih cun aa thawh i, “Ahodah a ka tawng?” tiah a ti. Ahohmanh nih kan in tawng lo, tiah an ti; cun Peter nih aa thawh i, “Saya, mi nih cun pei a zual in an in zual i a but in an in buthnawh cu,” tiah a ti.

ROM 5:12

Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.