LUKA 8:31 - Lai (Hakha) Common Language Bible 2006

³¹ Khuachia nih khan Jesuh cu dongh hngal lo khor thukpi chungah khan kan thla sawh hlah tiah an nawl.

Laibaibal Thiang (BSI)

³¹ Annih nih, taw ngeilo khor i a thlak hna nâkhnga lo an nawl.

LUKA 8:31 ပူးပေါင်းရင်းမြစ်များ

JOB 1:11

Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.

JOB 2:5

Sihmanhsehlaw atu cu na kut hei chuah law a ruh le a sa kha tawng tuah hna ngat, na hmai hrimhrim ah an vawlhpamh ko lai,” tiah a ti.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

LUKA 8:28

Jesuh cu a hmuh tikah fak piin a ai i a hmaiah a bawk i aw thang piin, “Jesuh, Cung Nung Bik Pathian Fapa, ka cungah zeidah tuah na duh? Dan ka tat sawh hlah, tiah kan nawl,” tiah a ti.

LUKA 8:32

An pawngah cun tlangpang ah khan vok a runpi in an tlong lulhmalh ko. Khuachia nih khan Jesuh cu vok chungah khin kan luhter ko tiah an nawl i a luhter hna.

ROM 10:7

Cun, “Ahodah mithi khua ah a vung ṭum lai,” ti zongah i ti fawn hlah (cu sullam cu Khrih kha mithi hna sinin hun kaipi awkah ti a si).

BIAPHUAN 11:7

Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 9:11

An uktu ah siangpahrang pakhat an ngei i dongh hngal lo khor a uktu vancungmi kha a si. A min cu Hebru holh in Abaddon ti a si; Grik holh cun Apollyon ti a si i a sullam cu “Hrawktu” tinak a si.