LUKA 8:27 - Lai (Hakha) Common Language Bible 2006

²⁷ Jesuh cu titlang a hei lamh ah khin cu ka khua i a ummi mipa pakhat, a chungah khuachia nih an luhhnawh mipa nih khan a rak ton. Caan saupi puan loin a um cang i inn ah um duh loin mithi vuinak lungkua ah khan a um:

Laibaibal Thiang (BSI)

²⁷ Ramchung i a luh lio ah, khua chung mi pakhat, cân saupi khuachia nih a tuahmi pa nih arak ton, cupa cu taklawngin a um i innah um loin thlânah a um tawn.

LUKA 8:27 ပူးပေါင်းရင်းမြစ်များ

ISAIAH 65:4

Zan ah thi tlawn ah lungkua kip le thlan kip ah khan an kal. Hi hna nih hin voksa kha an ei i lawkih raithawinak ah an hmanmi sa tihang kha an din.

NAMBAR 19:16

Ahohmanh nih lo i a um lioah nam in thahmi siseh, miruak siseh, miruh siseh, thlan siseh a tawngh ahcun ni sarih thianglo a si lai.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MARKA 5:15

Jesuh sin cu an va phan i a sinah cun a chung i thlarau ṭhalo bupi a um tawnmipa kha, hnipuan i hruk le lungfim in a rak ṭhut ko kha an va hmuh i an dihlak in an thla a hlauh hna.

LUKA 8:26

Galilee ram in tili ralchan i a ummi Gerasa mi hna ram ah khan lawng in an va kal.

LUKA 8:28

Jesuh cu a hmuh tikah fak piin a ai i a hmaiah a bawk i aw thang piin, “Jesuh, Cung Nung Bik Pathian Fapa, ka cungah zeidah tuah na duh? Dan ka tat sawh hlah, tiah kan nawl,” tiah a ti.

1 SAMUEL 19:24

Cun amah zong cu a hnipuan kha aa phoih ve i Samuel hmaiah khan bia a chim cukmak ve, cun cu ni cu chun nitlak, zan khuadei, pumlawng in a it. Cucaah, “Saul zong profet hna lakah aa tel ve cang dahra?” ti a si lan.