LUKA 8:2 - Lai (Hakha) Common Language Bible 2006

² an zawtnak le thlarau ṭhalo nih a tuah hnanak in a damtermi hna nih khan an zulh ve. Cu hna cu a chungin thlarau ṭhalo pasarih a chuahpiakmi Mary (Magdalin timi) le

Laibaibal Thiang (BSI)

² Cun nu cheu khat thlarau sual le zawtnâk chungin a damtermi hna an um ve, cu hna lakah, Mary Magdallin, a chung i khuachia pasarih a ṭhawl piakmi le,

LUKA 8:2 ပူးပေါင်းရင်းမြစ်များ

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MARKA 16:1

Sabbath ni kha a dih tikah Mary Magdalin le Jeim nu Mary le Salome nih khan Jesuh ruak thuh awk caah cun zihmui kha an i cawk.

MARKA 16:9

Jesuh cu thihnak in a thawh hnuah Zarhpi ni zingkate ah khan Mary Magdalin sinah khan a lang hmasa bik. Cu nu cu a chungin khuachia pasarih a chuahpiakmi nu kha a si.

LUKA 23:27

Mi tampi nih an zulh i cu hna lakah cun a ṭang aa cum i amah a rak ṭah lengmangmi nu tlawmpal zong an um.

LUKA 23:49

Jesuh kha pumpak in a rak hngalmi hna le Galilee ram in amah a rak zultu nu hna nih khan, hi thil cu a langin an cuanh.

LUKA 23:55

Galilee ram in Jesuh a zulmi nu hna kha Josef sinah cun an kal i thlan le a chungah zeitindah Jesuh ruak cu an chiah ti kha an hmuh.

LUKA 8:30

Jesuh nih cun a thawh i, “Na min ahodah a si?” tiah a ti. “Ka min cu Mi Bupi a si,” tiah a leh — zeicahtiah a luhhnawhtu khuachia cu tampi an si.

JOHAN 19:25

Jesuh vailam pawngte ah khan a nu le a nu naule Klopas nupi Mary le Mary Magdalin kha an dir.

LAMKALTU 1:14

Thlacam awkah atu le atu a bu tein an i pum i an sinah cun nu hna le Jesuh nu Mary le Jesuh naule kha an um ve.