LUKA 7:47 - Lai (Hakha) Common Language Bible 2006

⁴⁷ Cucaah hihi kan chimh, dawtnak nganpi a langhtermi nih khan a sualnak tampi a simi cu ngaihthiam an si cang, ti kha a langhter. An sualnak tlawmte lawng ngaihthiam a simi hna nih cun dawtnak tlawmte lawng an langhter ve,” tiah a ti.

Laibaibal Thiang (BSI)

⁴⁷ Cucaah kan chimh, hi tluk tiangin a dawt, cucaah a sualnâk tampi kha ngaihthiam a si. Tlawm deuh ngaihthiam nih cun tlawm deuh in a dawt ve, tiah a ti.

LUKA 7:47 ပူးပေါင်းရင်းမြစ်များ

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

MIKAH 7:19

Kan cungah zaangfahnak kha na ngei ṭhan ko rih lai i, Kan ṭhat lonak kha na ṭawl lai i kan sualnak kha a thukmi rili tawne ah na hlonh lai.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

LUKA 7:39

Jesuh rawlhrawn a sawmtu Farasi mi nih khan mah cucu a hmuh tikah a lung chungin, “Hi pa hi profet a si taktak ahcun amah a tawngtu nu hi ahodah a si i zeitluk a sualminu dah a si ti kha a hngalh lai,” tiah a ti.

LUKA 7:46

Ka lu i thuh awkah chiti zeihmanh na ka pe lo, sihmanhsehlaw anih nih cun ka ke kha zihmui in a culh.

LUKA 7:48

Cun Jesuh nih minu cu a thawh i, “Na sualnak cu ngaihthiam na si,” tiah a ti.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

2 KORIN 5:14

Mi vialte caah mi pakhat a thi i a thihnak ah cun mi vialte an thi ve ti kha kan hngalh caah Khrih nih kan ca i a ngeihmi dawtnak nih cun a kan uk.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

EFESA 6:24

A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh.

FILIPI 1:9

Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a ṭha thleidan khawhnak fimnak he ṭhang seh law,

1TIMOTE 1:14

Cun kan Bawipa nih cun a tam ngaingaimi a vel kha a toih in a ka toih i Khrih Jesuh he kan i pehtlaihnak thawngin zumhnak le dawtnak kha a ka pek i cu hna cu kanmah ta an si cang.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.

1JOHAN 5:3

Zeicahtiah, Pathian kan dawt ti cu a nawl kan zul tinak a si ko. Cun a nawlbia cu kan caah a har tuk lo,